قۇرمەتتى وتانداستار!
بارشاڭىزدى كۇللى الەم مۇسىلماندارى ءۇشىن ايرىقشا قاستەرلى مەيرام – ورازا ايت مەرەكەسىمەن شىن جۇرەكتەن قۇتتىقتايمىن!
قاسيەتتى رامازان ايى – رۋحاني جاڭارۋدىڭ سيمۆولى. بۇل كەزدە ادامدار مەيىرىمدىلىك, ىزگىلىك, تاتۋلىق پەن كەلىسىم سياقتى بىرەگەي قۇندىلىقتارعا بەت بۇرىپ, اركىم ءوزىنىڭ ارەكەتى مەن وزگەلەرگە قارىم-قاتىناسىن قايتا ءبىر سارالايدى.
رۋحاني جاڭارىپ, جاڭعىرۋعا تالپىنۋ ءبارىمىز ءۇشىن ماڭىزدى جانە ول قازىرگى قازاقستاندىق قوعام الدىنداعى مىندەتتەرگە نەعۇرلىم ساي كەلەدى. ءبىز ەرتە زاماننان وزىق عىلىم مەن ءبىلىمدى دامىتۋعا جول اشىپ, ادامداردى وزدەرىن جەتىلدىرۋگە جانە ۇندەستىكتە ءومىر سۇرۋگە باستاپ كەلە جاتقان قاسيەتتى يسلامنىڭ جاسامپاز ءرولىن كادەگە جاراتا ءبىلۋىمىز كەرەك.
وسى مەرەكە كۇندەرى ءاربىر مۇسىلمان جاقسى ىستەر جاساۋعا, جاقىندارىنا قۋانىش سىيلاپ, مۇقتاج جاندارعا كومەكتەسۋگە تىرىسادى.
وسىنداي ىزگى نيەتتەر مەن يگىلىكتى ىستەر ەلىمىزدىڭ بىرلىگى مەن تۇتاستىعىن ساقتاۋعا زور سەپتىگىن تيگىزەتىن ءبىزدىڭ ۇلتتىق بىرەگەيلىگىمىزگە نەگىز بولۋدا.
شۋاقتى ورازا ايت مەرەكەسىندە بارشاڭىزعا زور دەنساۋلىق, اماندىق جانە باق-بەرەكە تىلەيمىن! – دەلىنگەن قۇتتىقتاۋدا.
