كەزدەسۋ بارىسىندا م.قاسىمبەكوۆ «نۇرسۇلتان نازارباەۆ. ءومىربايان» اتتى كىتابىنىڭ تانىستىرىلىمىنىڭ جوعارى دەڭگەيدە وتكەنىن جانە ۇستىمىزدەگى جىلدىڭ مامىر ايىندا استانادا ازەربايجاننىڭ جالپىۇلتتىق كوشباسشىسى گەيدار اليەۆتىڭ ءومىرى جايىندا قازاق تىلىندە باسىلىپ شىققان تۋىندىسىن قازاقستان جۇرتى جاقسى قابىلداعانىن ايتتى. سونداي-اق, قازاق حالقىنىڭ ازەربايجان ەلىنە دەگەن ەرەكشە سىي-قۇرمەتىن جەتكىزدى.
ازەربايجان مادەنيەت ءمينيسترى ءوز تاراپىنان قازاقستانداعى كينەماتوگروفتىڭ جوعارى دەڭگەيدە دامىپ كەلە جاتقانىن ەسكەرىپ, وسى سالادا بىرىگىپ جوبالار جاساۋدى ۇسىندى.
بۇل باستامانى قر مادەنيەت جانە سپورت ءمينيسترى ارىستانبەك مۇحامەدي ۇلى دا قولدادى. مينيستر رەسەيمەن جانە قىتايمەن بىرىگىپ جاسالعان كينوجوبالاردى مىسال ەتتى. ولاردىڭ قاتارىندا «28 پانفيلوۆشىلار» سىندى كينوپروكاتتا كوش باستاعان ءفيلمنىڭ دە بار ەكەندىگىن اتاپ ءوتتى.
تاراپتار كەزدەسۋ اياسىندا 2018 جانە 2019 جىلدارى قازاقستاندا ازەربايجان, ازەربايجاندا قازاقستاننىڭ مادەنيەت كۇندەرىن وتكىزۋ ماسەلەسىن تالقىلادى.
كەزدەسۋ سوڭىندا قازاقستاندىق دەلەگاتسيا باسشىسى ا.گاراەۆكە گەيدار اليەۆ جايىندا قازاق تىلىندە جازىلعان ەستەلىك كىتاپتى سىيعا تارتتى.
