مەريتوكراتيا – الەۋمەتتىك شىعۋ تەگىنە جانە قارجىلىق جاعدايىنا قاراماستان بيلىك باسىنا ەڭ قابىلەتتى ادامدار كەلۋى كەرەك دەگەندى بىلدىرەتىن قاعيدا. جاقىندا ورال قالاسىندا مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ باتىس قازاقستان وبلىسى بويىنشا دەپارتامەنتى وڭىردە وسى مەريتوكراتيا قاعيدالارىنىڭ ورىندالۋى بارىسىنا نازار اۋدارىپ, جيىن وتكىزدى.
دوڭگەلەك ۇستەل ماجىلىسىنە باتىس قازاقستان وبلىسىنداعى مەملەكەتتىك ورگاندار مەن ولارعا قاراستى ۇيىمدار وكىلدەرى, «ورال» الەۋمەتتىك كاسىپكەرلىك كورپوراتسياسى, «كوندەنسات» اكتسيونەرلىك قوعامى, «اتامەكەن» ۇلتتىق كاسىپكەرلەر پالاتاسى, باتىس وڭىرلىك تەلەكومۋنيكاتسيا ديرەكتسياسى, باتىس قازاقستان وبلىستىق مەملەكەتتىك, بانك مەكەمەلەرى جانە قوعامدىق قىزمەت كورسەتۋ قىزمەتكەرلەرىنىڭ سالالىق كاسىپوداعى, باتىس قازاقستان وبلىسىنىڭ جوعارى وقۋ ورىندارى وكىلدەرى, دەپۋتاتتار قاتىستى.
سەمينار بارىسىندا مەملەكەتتىك كاسىپورىنداردىڭ, ۇلتتىق كومپانيالاردىڭ جانە بيۋدجەتتىك ۇيىمداردىڭ كادرلىق ساياساتىنا مەريتوكراتيا قاعيدالارىن ەنگىزۋ ماسەلەسى تالقىلاندى. وسى باعىتتاعى ءىس-شارالار جوسپارى اياسىندا مەملەكەتتىك ورگاندار مەن ولارعا قارايتىن مەكەمەلەردە كەلىسىم بويىنشا اتقارىلىپ جاتىرعان ءىس-شارالار بارىسى تۋرالى ايتىلدى.
جيىندا سونىمەن قاتار مەملەكەتتىك كاسىپورىندار مەن ۇلتتىق كومپانيالارداعى كادر ساياساتىنا مەريتوكراتيا قاعيدالارىن ەنگىزۋدىڭ نەگىزگى باعىتتارى تالقىلاندى.
قازبەك قۇتتىمۇرات ۇلى,
«ەگەمەن قازاقستان»
باتىس قازاقستان
