"جاسىل ەلدىڭ" جۇمىسى اتىراۋ وبلىسى جاستار ساياساتى ماسەلەلەرى باسقارماسى جانە اتىراۋ قالاسىنىڭ جاستار رەسۋرستىق ورتالىعىنىڭ قولداۋىمەن وتكىزىلىپ جاتىر. "جاسىل ەل" جۇمىسپەن قامتىپ قانا قويماي, جاستاردىڭ بەلسەندىلىگىن كوتەرۋدى ماقسات ەتەدى.
اعىمداعى جىلى «جاسىل ەل» جاساعىنىڭ سانى ارتقان. الدىڭعى جىلدارى 700 سارباز بولسا, 2017 جىلى 2000 سارباز جۇمىس ىستەگەن. ال, بيىل 2150 ساربازعا دەيىن جەتتى. جاسىل ەلدە قىزمەت اتقاراتىن جاستار سالىقتار مەن الەۋمەتتىك اۋدارىمداردى قوسا ەسەپتەگەندە 61 مىڭ تەڭگە جالاقى الاتىن بولادى.
"قازىر قالاداعى كوپ حالىق جۇرەتىن جەرلەر مەن ساياباقتاردى اباتتاندىرۋ مەن كوگالداندىرۋ جۇمىستارى جۇرگىزىلۋدە. «جاسىل ەل» جاساعى كوگالداندىرۋ مەن ارحەولوگيالىق باعىت بويىنشا جۇمىستار اتقارادى. ارحەولوگيالىق باعىتتا جاستار سارايشىق پەن قاراباۋ ەلدى مەكەندەرىنە بارىپ, زەرتتەۋ جۇمىستارىن جۇرگىزەتىن بولادى. جوسپار بويىنشا, قازان-قىركۇيەك ايلارىندا قالاعا تال ەگىلەدى", دەيدى «جاس وتان» جق توراعاسى ابىلاي قۇرمەت ۇلى.
ايتا كەتەيىك, «جاسىل ەل» 2005 جىلى ەلباسىنىڭ باستاماسىمەن باستالعان بولاتىن. ءداستۇر بويىنشا, جاساق جۇمىسى 1 ماۋسىم كۇنى باستالدى. رەسمي اشىلۋى ەكى اپتادان كەيىن بولادى. «جاسىل ەل» جاساعىنا 16 مەن 29 جاس ارالىعىنداعى ستۋدەنتتەر مەن جاستاردى قابىلدايدى. «جاسىل ەل» جاساعىنا قابىلداۋ نۇرسايا ىقشام اۋدانى, 23 ۇيدە جۇرگىزىلىپ جاتىر. جاز بويى قابىلداۋ جۇمىستارى جۇرگىزىلەدى.
