ونىڭ ايتۋىنشا, باعدارلاما 2018 جىلدىڭ ەكىنشى جارتىجىلدىعىندا جۇمىسىن باستايدى. ۇلتتىق بانك تاراپىنان قاجەتتى ينفراقۇرىلىم قۇرىلىپ, جاڭا يپوتەكالىق باعدارلامانىڭ وپەراتورى قىزمەت ەتەدى. وسى ورايدا «باسپانا» يپوتەكالىق ۇيىمى» اق ەنشىلەس ۇيىمى دا جۇمىس ىستەپ جاتىر.
«بۇل كومپانيا وبليگاتسيالار شىعارادى جانە تارتىلعان قاراجات ەسەبىنەن بانكتەردەن 1 ترلن تەڭگەگە دەيىنگى كولەمدە قارىزداردى ساتىپ الادى. قازىرگى ۋاقىتتا ۇيىم ءوزارا ءىس-قيمىل جاساۋدىڭ تەحنيكالىق ماسەلەلەرىن ءىس جۇزىندە ىسكە اسىرۋدى تالقىلاۋ ءۇشىن بانكتەرمەن تىعىز ءوزارا ءىس-قيمىل جاساۋدا», - دەدى د.اقىشەۆ.
ۇلتتىق بانك توراعاسى بۇرىن-سوڭدى بولماعان تالاپتاردى ۇسىنىپ وتىرىپ باعدارلامانى الەۋەتتى قارىز الۋشىلار ەشبىر جاعدايدا مەملەكەتتىڭ وتەۋسىز كومەگى رەتىندە قابىلداماۋعا ءتيىس دەدى. «قارىز الۋشىلار تاراپىنان دا, بانكتەر تاراپىنان دا تولەم قابىلەتىنىڭ بولۋى جانە ءادىل نارىقتىق قاعيداتتاردى قاتاڭ ساقتاۋ جاڭا يپوتەكالىق باعدارلامانىڭ نەگىزى بولادى. قارىز الۋشىدا 20% مولشەرىندەگى باستاپقى جارنانىڭ بولۋى - باعدارلاماداعى باستى تالاپ. سونداي-اق, الەۋەتتى قارىز الۋشىلاردىڭ مۇنداي جارنانى بانككە بەرۋى ولارعا الىناتىن قارىزدىڭ ەڭ از مولشەرىن قامتاماسىز ەتەتىنىن, دەمەك قارىز بويىنشا پايىزدىق شىعىستار دا از بولاتىنىن تۇسىنگەنى ماڭىزدى», - دەدى اقىشەۆ.
