تانىستىرىلىمعا قازاقستاننىڭ وكىلەتتى دەلەگاتسياسى قۇرامىندا كىتاپتىڭ اۆتورى قازاقستان پرەزيدەنتى كەڭسەسىنىڭ باستىعى, قازاقستان رەسپۋبليكاسىنىڭ تۇڭعىش پرەزيدەنتى – ەلباسى كىتاپحاناسى ديرەكتورىنىڭ مىندەتىن اتقارۋشى ماحمۇت قاسىمبەكوۆ, مادەنيەت جانە سپورت ءمينيسترى ارىستانبەك مۇحامەدي ۇلى, قازاقستاننىڭ ازەربايجان رەسپۋبليكاسىنداعى توتەنشە جانە وكىلەتتى ەلشىسى بەيبىت يساباەۆ, حالىقارالىق تۇركى اكادەمياسىنىڭ پرەزيدەنتى, «ەگەمەن قازاقستان» رەسپۋبليكالىق گازەتى» اق باسقارما توراعاسى دارحان قىدىرالى, ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ رەكتورى ەرلان سىدىقوۆ جانە تاعى باسقالار قاتىستى.
ازەربايجان رەسپۋبليكاسى پرەزيدەنتى اكiمشiلiگiنiڭ باسشىسى راميز مەحتيەۆ كىتاپتىڭ تۇساۋكەسەر ءراسىمىنىڭ قارساڭىندا قازاقستاندىق دەلەگاتسيانى قابىلدادى. دەلەگاتسيا مۇشەلەرى ۇيىمداستىرىلعان قابىلداۋى ءۇشىن العىس ايتىپ, ءوز تاراپىنان ازەربايجان دەموكراتيالىق رەسپۋبليكاسىنىڭ 100 جىلدىعىمەن جانە گەيدار اليەۆتىڭ 95 جىلدىعىمەن قۇتتىقتادى.
تۇساۋكەسەر ءراسىمى ازەربايجاننىڭ جەتەكشى عىلىمي جانە مادەني-ءبىلىم بەرۋ ورتالىقتارىنىڭ ءبىرى – گەيدار اليەۆ ورتالىعىندا ءوتتى. ول 2006 جىلى ازەربايجان حالقىنىڭ ۇلتتىق كوشباسشىسى گەيدار اليەۆتىڭ يدەولوگياسى مەن مەملەكەت قۇرىلىسىنىڭ فيلوسوفياسىن ىرگەلى زەرتتەۋ ءۇشىن, سونىمەن بىرگە ازەربايجان ءتىلىن, مادەني, ۇلتتىق جانە رۋحاني قۇندىلىقتارىن جان-جاقتى دامىتۋ ماقساتىندا قۇرىلعان.
تۇساۋكەسەر راسىمىندە ازەربايجان رەسپۋبليكاسى پرەزيدەنتىنىڭ كومەكشىسى ءالي گاسانوۆ, ازەربايجان رەسپۋبليكاسى پرەزيدەنتى اكiمشiلiگi قوعامدىق-ساياسي ماسەلەلەر جونىندەگى ءبولىم مەڭگەرۋشىسىنىڭ ورىنباسارى تاير سۋلەيمانوۆ, ازەربايجان عىلىم اكادەمياسىنىڭ پرەزيدەنتى اكيف اليزادە, ازەربايجان ميللي ءماجىلىسىنىڭ دەپۋتاتى دجاۆانشير فەيزيەۆ, ازەربايجان رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى راشاد مامەدوۆ, كىتاپ اۋدارماشىسى ايدا ەيۆازوۆا, شەتەلدىك ديپلوماتتار, مادەنيەت جانە عىلىم وكىلدەرى, ساراپشىلار, جۋرناليستەر, ستۋدەنتتەر قاتىستى.
قازاقستان كوشباسشىسى تۋرالى جازىلعان ومىرباياندىق كىتاپ وقىرماندار تاراپىنان جوعارى باعالاندى. ءىس-شارا قاتىسۋشىلارىنىڭ ورتاق پىكىرى بويىنشا, كىتاپتىڭ ازەربايجان تىلىندەگى باسىلىمى ەكى ەل اراسىنداعى رۋحاني-مادەني بايلانىستاردىڭ نىعايۋىنا لايىقتى ۇلەس قوسادى.
بۇل – اتالعان كىتاپتىڭ شەتەل تىلىندەگى 11 باسىلىمى. وسىعان دەيىن ول اعىلشىن, نەمىس, فرانتسۋز, قىتاي, اراب, ۆەنگر, تۇرىك, داري, سەرب, كورەي تىلدەرىندە باسىلدى. كىتاپ گەيدار اليەۆ ورتالىعى, قازاقستان رەسپۋبليكاسىنىڭ تۇڭعىش پرەزيدەنتى – ەلباسى كىتاپحاناسى جانە حالىقارالىق تۇركى اكادەمياسى اراسىنداعى ىنتىماقتاستىق ناتيجەسىندە جارىق كورىپ وتىر.
«ەگەمەن-اقپارات»
