ارىپتەستىك الەۋەت اڭگىمەلەندى

نيۋ-يوركتە قازاقستاندىق-امەريكالىق ينۆەس­تيتسيا­لىق فورۋم بولىپ ءوتتى. فورۋمعا قاتىسۋشىلار مۇناي-گاز جانە اتوم ءوندىرىسى, جاڭعىرتىلاتىن ەنەرگيا كوزدەرى, تەلەكوممۋنيكاتسيا, ەكونوميكانىڭ اگرارلىق جانە قارجىلىق سەكتورلارىنداعى ارىپتەستىك مۇمكىن­دىك­تەرىن تالقىلادى. فورۋم اقش-تىڭ ين­ۆەس­تيتسيالىق كۇنتىزبەسىندەگى جىل سايىنعى وقيعالاردىڭ ىشىندەگى اجىراماس بولىگى بولىپ تابى­لا­دى جانە ەڭ جوعارى دەڭ­گەي­دەگى قولداۋعا يە. ونىڭ جۇ­مى­سىنا ەكى تاراپتىڭ مەملەكەتتىك ورگان وكىلدەرى مەن بيزنەس توپ­تارى قاتىستى. قازاقستاندىق دەلەگا­تسيا­نى ەكونوميكالىق ين­تە­گرا­تسيا ىستەرى ءمينيسترى جانار ايتجانوۆا باسقارىپ بار­دى. تىكەلەي جەلىدە ءجۇر­گى­زىلگەن تەلەكونفەرەنتسيا ارقى­لى پرەمەر-مينيستر كارىم ءماسىموۆ فورۋمعا قاتىسۋشى­لا­رعا قۇتتىقتاۋ ءسوزىن جەتكىزدى. ول ءوز سوزىندە ەلىمىزدىڭ تاۋەل­سىزدىكتىڭ 20 جىلىندا قول جەتكەن جەتىستىكتەرىن اتاپ ءوتىپ, مەم­لەكەتىمىزدىڭ قازىرگى ەكونو­مي­كالىق ساياساتىنىڭ نەگىزگى ماق­سات­تارىمەن تانىستىردى. ال قا­زاقستاننىڭ اقش-تاعى توتەنشە جانە وكىلەتتى ەلشىسى ەرلان ىدى­رىسوۆ تاۋەلسىز قا­زاقستان دامۋ­ىن­داعى اقش ەلىنىڭ ماڭىزدى ءرولىن جەتكىزسە, «سامۇرىق-قا­زى­نا» ۇاق» اق باسقارما ءتور­اعا­سىنىڭ ورىن­با­سارى ايدىن كا­رىبجانوۆ الەمدىك قارجى داع­دا­رى­سىنىڭ كەزەكتى تولقىنى تۋى­نىڭ مۇمكىندىگىن كورسەتە وتى­رىپ, قور دامۋدىڭ نەگىزگى 3 با­سىم باعىتىن ايقىنداپ العان­دى­­عىن باياندادى. قازاقستاندىق-امەريكالىق ينۆەستيتسيالىق فو­رۋ­مى بارىسىندا 7 سەكتسيا بوي­ىن­شا تالقىلاۋلار ءوتتى. «ەگەمەن-اقپارات».