وعان رەسەيدىڭ قوستانايمەن شەكارالاس چەليابى, قورعان, ورىنبور جانە سۆەردلوۆ وبلىستارىنان قازاق دياسپوراسى ۇيىمدارىنىڭ وكىلدەرى شاقىرىلدى. كونفەرەنتسيا جۇمىسىنا دۇنيەجۇزى قازاقتارى قاۋىمداستىعىنىڭ قىزمەتكەرى تاالپبەك تىنىسبەك قاتىسىپ, ۇيىمنىڭ بۇگىنگى اتقارىپ وتىرعان جۇمىسى تۋرالى رەسەيلىك قازاقتاردى حاباردار ەتتى.
وسىدان بەس جىل بۇرىن دۇنيەجۇزى قازاقتارى قاۋىمداستىعىنىڭ قوستاناي فيليالى اشىلعان بولاتىن. وسى ۋاقىتتا ۇيىم رەسەيدىڭ ىرگەلەس وبلىستارىنداعى قانداستاردىڭ انا ءتىلىن, ءداستۇرىن ۇمىتپاۋى جانە اتا مەكەنمەن بايلانىسىن ۇزبەۋى ءۇشىن كوپتەگەن جۇمىستار جۇرگىزدى. بۇل جونىندە كونفەرەنتسيادا فيليال جەتەكشىسى ءنازيرا جارىمبەتوۆا ايتىپ بەردى. سونداي-اق قازاقستان كوپ ۇلتتىڭ قۇتتى مەكەنى, وسى جونىندە قازاقستان حالقى قوستاناي وبلىستىق اسسامبلەياسىنىڭ حاتشىلىعىنىڭ مەڭگەرۋشىسى بيبىگۇل اققوجينا, ەلىمىزدە ىسكە اسىرىلىپ جاتقان «رۋحاني جاڭعىرۋ» مەملەكەتتىك باعدارلاماسى جونىندە ساياساتتانۋشى عالىم ءالىمجان بەكماعامبەتوۆ ايتىپ بەردى. سونىمەن قاتار, وبلىستىق تىلدەردى دامىتۋ باسقارماسىنىڭ وقۋ ورتالىعى ماماندارى جاساعان شەت ەل قازاقتارىنا ارناپ جاسالعان قااق ءتىلىن وقىتۋ باعدارلاماسىمەن چەليابى وبلىسىنىڭ قازاقتارى بەس جىل بويىنا ءتىل ۇيرەنىپ كەلەدى. وسى ءىستى ۇيىمداستىرۋشى تىلدەردى دامىتۋ باسقارماسىنىڭ ءبولىم مەڭگەرۋشىسى باقىتگۇل سۇيلەيمەنوۆا باياندادى. رەسەيدىڭ ىرگەلەس وبلىستارىنان كەلگەن قازاق دياسپوراسىنىڭ وكىلدەرى دە وزدەرىندە جاس ۇرپاقتىڭ ۇلتتىق قۇندىلىقتاردى ۇمىتپاۋى ءۇشىن جۇرگىزىپ وتىرعان جۇمىستارىن ورتاعا سالدى.
«ورىنبور وبلىسىندا 125 مىڭ قازاق تۇرىپ جاتىرمىز. بارماساڭ, كەلمەسەڭ جات بولارسىڭ دەگەن. مۇمكىندىگىنشە اتامەكەنمەن بايلپانىستى ۇزبەۋگە, ءتىلدى ۇمىتپاۋعا تىرىسىپ, ءتۇرلى شارالار وتكىزەمىز. قوستانايداعى كونفەرەنتسيادان دا كوپ ماعلۇمات الدىق, «رۋحاني جاڭعىرۋ» باعدارلاماسىنىڭ ماڭىزىن شەت ەلدە جۇرگەن قازاقتار دا ءبىلۋى ءتيىس, ويتكەنى بۇل ۇلتتىڭ رتاق پروبلەماسى» دەدى ورىنبورداعى «بايتەرەك» قايىرىمدىلىق قورىنىڭ ءتورايىمى ساۋلە تايكەشەۆا.
رەسەيلىك قازاقتارعا قوستانايداعى ساكرالدى ورىندار كورسەتىلدى, قول ونەر بۇيىمدارىنىڭ كورمەسىن تاماشالادى.
ءنازيرا جارىمبەت,
«ەگەمەن قازاقستان»
قوستاناي
