كەزدەسۋ بارىسىندا «سامۇرىق-قازىنا» اق باسقارما توراعاسى احمەتجان ەسىموۆ ICBC ديرەكتورلار كەڭەسىنىڭ توراعاسى ي حۋەيمانمەن بانك تاراپىنان قورعا 2015 جىلى بەرىلگەن زايمنىڭ سىياقى مولشەرلەمەسىن تومەندەتۋ جانە ونى وتەۋ مەرزىمىن 2022 جىلدىڭ سوڭىنا دەيىن ۇزارتۋ تۋرالى كەلىستى.
سونىمەن قاتار تاراپتار «سامۇرىق-قازىنا» اق مەن «قىتاي ساۋدا-ونەركاسىپتىك بانكى» اراسىنداعى ىنتىماقتاستىق تۋرالى مەموراندۋمعا قول قويىلدى جانە بولاشاقتاعى باسىمدىقتاردى تالقىلادى. ديرەكتورلار كەڭەسىنىڭ توراعاسى ي حۋەيمان ICBC ءۇش سالادا ىنتىماقتاستىققا مۇددەلى ەكەندىگىن جەتكىزدى: ءبىرىنشىسى – وبليگاتسيالاردى ورنالاستىرۋ, ەكىنشىسى – ستراتەگيالىق ينۆەستور رەتىندە قور اكتيۆتەرىن جەكەشەلەندىرۋ باعدارلاماسىنا قاتىسۋ جانە ءۇشىنشىسى – ناقتى جوبالاردى قارجىلاندىرۋ.
كەزدەسۋ سوڭىندا, «سامۇرىق-قازىنا» اق باسشىسى ا.ەسىموۆ اسپان استى ەلىنىڭ وكىلدەرىنە ريزاشىلىعىن ءبىلدىردى جانە بىرلەسكەن جۇمىسقا, قور جوبالارىن جۇزەگە اسىرۋعا قاتىسۋعا دەگەن نيەتى مەن سەنىمى ءۇشىن العىس ايتتى جانە بولاشاقتا قوردىڭ كومپانيالار توبى گونكونگ جانە شانحاي قور نارىعىنا شىعۋى مۇمكىن ەكەندىگىن اتاپ ءوتتى.
