اۋدان اكىمى بەيبىت يسمانوۆ جۇرتشىلىق الدىندا سويلەگەن سوزىندە جاڭا باعىت وبلىس اكىمى قۇمار اقساقالوۆتىڭ, ينۆەستيتسيالار جانە دامۋ مينيسترلىگى كولىك كوميتەتىنىڭ قولداۋىمەن اشىلعانىن جەتكىزدى.
«بۇل ەلوردا مەن اۋداندى تىكەلەي جالعاستىراتىن العاشقى ەلەكتر پويىزى سانالادى. وڭىردە شالقار,يمانتاۋ سەكىلدى تاماشا دەمالىس ورىندارى, قاراساي جانە اعىنتاي باتىرلاردىڭ مەموريالدىق كەشەنى, ايعانىم قونىسى, شوقاننىڭ مۋزەيى ورنالاسقان. دەمەك ىشكى ءتۋريزمدى نىعايتۋداعى ماڭىزدى قادام بولارى ءسوزسىز», دەدى ول.
«ۆولودار» ستانساسىنىڭ باسشىسى الماس كەنجەكەەۆتىڭ ايتۋىنشا پاۆلودار, قوستاناي, قاراعاندى جاقتارعا باراتىن پويىزدار وسى ستانسا بەكەتىن باسىپ وتەدى. ال جاڭادان اشىلعان ەلەكتر پويىزى اپتاسىنا ەكى رەت قاتىنايدى. جۇرگىنشىلەر كوبەيگەن جاعدايدا 376 ورىندى 6 ۆاگوننىڭ سانى ارتتىرىلاتىن بولادى. ەكى ارالىقتى 5 ساعات 35 مينۋتتا ءجۇرىپ وتەدى. بيلەت قۇنى 1504-1943 تەڭگە ارالىعىندا. جايلىلىعىمەن ەرەكشەلەنەدى. ءار ۆاگوندا كونديتسيونەر, جۇمساق ورىندىقتار, بەينەباقىلاۋ قويىلعان.
«مەن ساۋمالكولدە تۇرامىن. كوكشەتاۋعا جەتۋ ءۇشىن تاكسيگە 2 مىڭ تەڭگە تولەيتىنمىن. ەندى ەلەكتر پويىزبەن جەتسەم, بار-جوعى 700 تەڭگە عانا», دەيدى العاشقى جولاۋشىلاردىڭ ءبىرى يليا لازوركين.
ءومىر ەسقالي,
«ەگەمەن قازاقستان»
