مامىر ايىندا يزرايل ءوز كانديداتۋراسىن قايتارىپ الۋىنا بايلانىستى گەرمانيا مەن بەلگيا ۇيىمنىڭ تۇراقتى ەمەس مۇشەلەرى قۇرامىنا ەندى. اتالعان ەلدەر بۇۇ قاۋىپسىزدىك كەڭەسىندەگى ورىن ءۇشىن «باتىسەۋروپالىق جانە باسقا دا مەملەكەتتەر» توبىندا باق سىناسقان بولاتىن.
قاۋىپسىزدىك كەڭەسىنىڭ تۇراقتى ەمەس مۇشەلىگىنە ءوتۋ ءۇشىن كانديداتتار باس اسسامبلەيا دەلەگاتتارىنىڭ 2\3 داۋىسىن جيناۋى ءتيىس.
گەرمانيا مەن بەلگيادان بولەك بۇۇ قك قۇرامىنا دومينيكان رەسپۋبليكاسى, يندونەزيا جانە وڭتۇستىك افريكا ەندى. ولار 2019 جىلدىڭ 1 قاڭتارىنان باستاپ كەڭەس ۇستەلىندەگى ءوز ورىندارىن يەمدەنەدى.
جاڭا سايلانعان تۇراقتى ەمەس مۇشەلەر كەڭەستە بوليۆيا, ەفيوپيا, قازاقستان, نيدەرلاندى جانە شۆەتسيا مەملەكەتتەرىن الماستىرادى.
ايتا كەتەرلىگى, قاۋىپسىزدىك كەڭەسىنە حالىقارالىق بەيبىتشىلىك پەن قاۋىپسىزدىكتى نىعايتۋ جاۋاپكەرشىلىگى جۇكتەلگەن. بۇل - بۇۇ-عى ۇيىمنىڭ بارلىق مۇشەلەرىنىڭ شەشىمى مىندەتتى سانالاتىن بىردەن-ءبىر ورگان.
