سۋرەت: enu.kz
جيىندى ەۋرازيا ۇلتتىق ۋنيۆەرسيتەتىنىڭ رەكتورى ەرلان سىدىقوۆ اشىپ, عالىمنىڭ ءومىرى مەن سىڭىرگەن ەڭبەك جولى تۇنىپ تۇرعان ۇلگى-ونەگە ەكەنىن ايتتى. ەرلان باتتاش ۇلى: ءوز ءسوزىن «بۇگىن 75 جاسقا تولعان مەرەيتويىن اتاپ ءوتىپ جاتقان عادىلبەك اعامىزدىڭ ءومىر جولى مەن ازاتتىق بەينەسىن جۋرناليستيكاسىز ەلەستەتۋ مۇمكىن ەمەس. بار سانالى عۇمىرى باق سالاسىنا ارنالعان قارىمدى قالامگەردىڭ ەسىمى مەن جۋرناليستيكا ءبىر ۇعىم ىسپەتتەس, بىرىنەن-ءبىرى اجىراماس قوس ۇعىمعا اينالدى», - دەپ تۇيىندەدى.
العاشقى ءسوز كەزەگىن العان قازاقستان پرەزيدەنتى ىشكى ساياسات ءبولىمى مەڭگەرۋشىسىنىڭ ورىنباسارى نۇرلان وقا ۇلى قازاقستان رەسپۋبليكاسى پرەزيدەنتى اكىمشىلىگى باسشىسىنىڭ ورىنباسارى مارات ءتاجيننىڭ مەرەيتوي يەسىنە ارنايى جولداعان يگى تىلەككە تولى قۇتتىقتااۋىن وقىپ بەردى. مينيستر داۋرەن اباەۆتىڭ ىستىق سالەمىن «ەگەمەن قازاقستان» رەسپۋبليكالىق گازەتى» اق توراعاسى دارحان قىدىرالى جەتكىزدى.
سونداي-اق, پارلامەنت ءماجىلىسىنىڭ دەپۋتاتتارى قۋانىش سۇلتانوۆ پەن ساۋىتبەك ابدراحمانوۆ, قوعام قايراتكەرى سۇلتان ورازالى, «مير» تەلەارناسىنىڭ باس رەجيسسەرى قانات ەسەنامانوۆ, اكادەميكەتەرى ديحان قامزابەك ۇلى, بولات كومەكوۆ جانە راحمەتجان بەرسىنباي, مەملەكەتتىك سىيلىقتىڭ لاۋرەاتتارى, قالامگەرلەر انەس ساراي مەن قاجىعالي مۇحانبەتقالي ۇلى, پروفەسسور, ەۇۋ قازاقستان حالقى اسسامبلەياسى كافەدراسىنىڭ مەڭگەرۋشىسى اناتولي باشماكوۆ, ت.ب يگى تىلەككە تولى قۇتتىقتاۋلارىن جەتكىزسە, الىس-جاقىن ەلدەردەن مەرەيتوي يەسىنىڭ اتىنا كەلىپ تۇسكەن جەدەلحات قۇتتىقتاۋلارى دا جىلى قابىلداندى.
كونفەرەنتسيادا ءسوز العانداردىڭ كوپشىلىگى عادىلبەك شالاحمەتوۆتىڭ «بەسىنشى ءتۇس» كىتابىنا توقتالىپ, بۇل شىعارما XIX, XX جانە حXI عاسىرداعى كاسپي اۋماعىنان باستالىپ, ەدىل مەن جايىق جانە بۇگىنگى استاناعا دەيىنگى كەزەڭدى قامتيتىنىن ءوز سوزدەرىندە ارناۋ ەتتى. «شىندىق پەن فانتازيا - بارلىعى وسى كىتاپتان تابىلادى; ادامدار تاعدىرى تۋرالى دەرەكتى اڭگىمە -«رۋحاني جاڭعىرۋ» قۇندىلىقتارى. سوندىقتان دا بۇل كىتاپ تۋرالى ايتپاي كەتۋگە بولمايدى», دەدى قاتىسۋشىلار. كىتاپتا ورىس فيلوسوفى چەرنىشەۆسكي مەن قازاق اعارتۋشىسى ماقاش بەكمۇحامبەتوۆ تۋرالى جان-جاقتى ايتىلادى. ولار 1886 جىلى استراحاندا كەزدەسكەندەرى بەلگىلى. شىعارما اۆتورى قازاق جانە ورىس حالىقتارىنىڭ اراسىنداعى دوستىق تۋرالى, ەكى ەلدىڭ اراسىنداعى مادەني بايلانىستاردىڭ ماڭىزدى تۇستارىن قامتيدى. سونىمەن قاتار, عادىلبەك شالاحمەتوۆتىڭ ءومىرى مەن ونەگەسى, قايراتكەرلىك قولتاڭباسى مەن جوعارى دارەجەلى قىزمەتى كونفەرەنتسيا بارىسىندا ەرەكشە اتالىپ ءوتتى.
شارا بارىسىندا ەۇۋ جۋرناليستيكا جانە ساياساتتانۋ فاكۋلتەنىنىڭ ستۋدەنتتەرى عادىلبەك شالاحمەتوۆ ولەڭدەرىنەن ۇزىندىلەر وقىپ, ادەبي-تاجىريبەلىك كونفەرەنتسيانىڭ مازمۇنىن ارتتىرىپ, شىرايىن كىرگىزدى. وتىرىس سوڭىندا مەرەيتوي يەسى ءسوز سويلەپ, زاماناۋي جۋرناليستيكانىڭ جاڭا باعىتتارى, باق-تىڭ قوعامعا قاتىناسى مەن ل. ن. گۋميلەۆتىڭ ەلىمىزگە سىڭىرگەن ەڭبەكتەرى جايىندا تولعاندى. عادىلبەك شالاحمەتوۆ جينالعان قاۋىمعا شىن كوڭىلدەن ريزالىعىن ءبىلدىرىپ, شارانىڭ سوڭى ەستەلىك سۋرەتكە تۇسىمەن اياقتالدى.
بوتاكوز امالبەك,
ل. ن. گۋميلەۆ اتىنداعى ەۇۋ
جۋرناليستيكا جانە ساياساتتانۋ فاكۋلتەتىنىڭ 1 كۋرس ستۋدەنتى
