قحر حالىقارالىق ساۋدا بويىنشا كومەك كوميتەتى جانە «سامۇرىق-قازىنا» اق بىرلەسە ۇيىمداستىرعان جيىنعا قازاقستاندىق ۇلتتىق جانە جەكە كومپانيالاردىڭ توپ-مەنەدجەرلەرى جانە قىتايلىق بيزنەس قاۋىمداستىقتىڭ 300-دەن استام وكىلى, ونىڭ ىشىندە قىتايداعى ءىرى مەملەكەتتىك كورپوراتسيالاردىڭ باسشىلارى قاتىسۋدا.
ء«بىز الداعى ۋاقىتتا ەكىجاقتى ەكونوميكالىق قارىم-قاتىناستى بارىنشا قارقىندى دامىتۋعا مۇددەلىمىز جانە كەشەگى ەكى ەلدىڭ كوشباسشىلارى قول جەتكىزگەن كەلىسىمدەر, قول قويىلعان قۇجاتتار تاعى ءبىر مارتە مۇنى راستايدى جانە ءبىزدىڭ مەملەكەتتەردەگى بيزنەستىڭ ءوزارا ءىس-ارەكەتىنە جانە دامۋىنا جاڭا مۇمكىندىك بەرەدى. بۇگىندە قازاقستان – ينۆەستيتسيالىق الەۋەتى زور مەملەكەت. بۇل ماقساتتا بيزنەستى جۇرگىزۋ شارتتارىن جاقسارتۋ جانە تىكەلەي ينۆەستيتسيالار اعىمى بويىنشا جۇيەلى جۇمىس جۇرگىزىلۋدە. بۇگىنگى بەسىنشى وتىرىستا قۇنى 13 ملرد اقش دوللاردى كۇرايتىن 40-تان استام كوممەرتسيالىق كەلىسىمگە قول قويۋ جوسپارلانىپ وتىر», - دەپ اتاپ ءوتتى ءوز سوزىندە «سامۇرىق-قازىنا» اق باسقارما توراعاسى ا. ەسىموۆ.
سونىڭ ىشىندە «سامۇرىق-قازىنا» اق جانە قىتايدىڭ ءىرى ينۆەستيتسيالىق كومپانيالارىنىڭ بىرىنە اينالعان «WintaGroup» ءوزارا تۇسىنىستىك تۋرالى مەموراندۋمعا قول قويدى. قۇجات قوردىڭ باسقارۋىنداعى ارنايى ەكونوميكالىق ايماققا قاتىسۋ, ينۆەستيتسيا سالۋ جانە دامىتۋ بويىنشا ستراتەگيالىق ىنتىماقتاستىقتى قاراستىرادى. KTZ Express جانە JD Logistics اراسىنداعى كەلىسىم «قورعاس – شىعىس قاقپاسى» اەا كولىك-لوگيستيكا ينفراقۇرىلىمى بويىنشا جاردەمدەسۋدى قوسا العاندا ترانسشەكارالىق ەلەكتروندى كوممەرتسيا اياسىندا لوگيستيكالىق جوبالاردى دامىتۋعا باعىتتالعان. Airport Management Group جانە Beijing China-Russia united international logistics Co. Ltd قازاقستان ارقىلى اۋە جانە جۇك تاسىمالىن, ونىڭ ىشىندە Rail Air جوباسىن دامىتۋعا باعىتتالعان كەلىسىمگە قول قويدى. تاعى ءۇش كەلىسىم قىتايدىڭ ساۋدا-ونەركاسىپتىك بانكىمەن, CNPC GuangxiPetrochemicalCompany, سونىمەن قاتار China Express Airlines جاسالدى.
«جاقىن ارادا ىسكەرلىك كەڭەستىڭ قىزمەتىن ۇيىمداستىرۋدا جاڭا تاسىلدەردى ازىرلەۋدى جوسپارلاپ وتىرمىز. ولار بىرلەسكەن ءىس-شارالاردى, ىسكەرلىك كەڭەسىتىڭ جۇمىسىن كۇشەيتۋگە باعىتتالادى», - دەپ ا.ەسىموۆ ەلباسى ن.نازارباەۆتىڭ قىتاي كاسىپكەرلەرىنىڭ قاتىسۋىمەن وتكەن دوڭگەلەك ۇستەل بارىسىندا اتاپ ءوتتى.
بۇگىندە قازاقستان قىتايدىڭ ورتالىق ازياداعى ەڭ ءىرى ساۋدا سەرىكتەسى بولىپ تابىلادى. قازاقستان ەكونوميكاسىنا قۇيىلعان تىكەلەي ينۆەستيتسيالاردىڭ كولەمى بويىنشا قىتاي 4-ءشى ورىندا. قازاقستان ەكونوميكاسىنا باعىتتاعان جالپى ينۆەستيتسيانىڭ كولەمى 17 ملرد اقش دوللارىن قۇرادى.
