كەزدەسۋ بارىسىندا مينيستر مەشىت يمامدارىنىڭ ۋاعىز ايتۋىنا نازار اۋداردى. ونىڭ ايتۋىنشا, ۋاعىزدار «ۋاعىز ايتۋدىڭ بىرىڭعاي تارتىبىندە» بەكىتىلگەن قاعيدات بويىنشا جۇزەگە اسىرىلۋى ءتيىس.
«قازاقستان مۇسىلماندارى ءدىني باسقارماسى جانىنان باق بەتتەرىندە سويلەيتىن 44 يمامنان تۇراتىن ارنايى پۋل قالىپتاسقان. باق بەتتەرى مەن الەۋمەتتىك جەلىلەردە يمامدار پۋلىندا بەكىتىلگەن ءدىني قىزمەتشىلەر قمدب-مەن كەلىسە وتىرىپ پىكىر بىلدىرۋلەرى قاجەت دەپ سانايمىز. بەكىتىلگەن ءتارتىپ بويىنشا ۋاعىز ايتۋدىڭ شەڭبەرىنەن اسپاۋلارىڭىز ورىندى بولادى دەپ سانايمىز. قوعامدا دىنگە قاتىستى بىرجاقتى جانە وتە سەزىمتال تاقىرىپتارعا پىكىر ءبىلدىرۋ كەرى ءىس-ارەكەت تۋعىزۋى مۇمكىن. ءبىز ءدىننىڭ وڭ الەۋەتىن حالقىمىزدى بىرىكتىرۋگە, ەلىمىزدى ىلگەرى دامىتۋعا جۇمىلدىرۋىمىز كەرەك», - دارحان كالەتاەۆ
سونىمەن قاتار, مينيستر قمدب بەكىتكەن «مەشىتتەردىڭ ىشكى ءتارتىپ ەرەجەسىن» جەتىلدىرۋدى ۇسىندى. ونىڭ ايتۋىنشا, ەرەجەگە قاتىستى مينيسترلىككە قازىرگى ۋاقىتتا كوپتەگەن ازاماتتاردان شاعىمدار مەن وتىنىشتەر كەلىپ تۇسۋدە. ەرەجەنىڭ قولدانىستاعى زاڭناماعا قارسى كەلمەۋى جانە ادامنىڭ قۇقىقتارىن شەكتەمەۋ قاجەتتىگى ايتىلدى.
2017 جىلعى 15 اقپاندا ءدىن ىستەرى جانە ازاماتتىق قوعام مينيسترلىگى مەن قازاقستان مۇسىلماندارى ءدىني باسقارماسى اراسىندا ءوزارا ارەكەتتەسۋ تۋرالى كەلىسىمگە قول قويىلعان. قۇجاتتا ءدىني باسقارمانىڭ ءدىن سالاسىنداعى وزەكتى ماسەلەلەر بويىنشا مەملەكەتپەن تىعىز قارىم-قاتىناس ورناتۋ ماسەلەلەرى قاراستىرىلعان.
اتىراۋ وبلىسى بويىنشا 29 يسلامدىق, 3 پراۆوسلاۆتىق, 2 كاتوليكتىك جانە 7 پروتەستانتتىق باعىتتاعى ءدىني بىرلەستىكتەر تىركەلگەن. وڭىردەگى 29 مەشىتتە 68 يمام جۇمىس جاسايدى.
ءدىن ىستەرى جانە ازاماتتىق قوعام ءمينيسترى دارحان كالەتاەۆ اتىراۋ وبلىسىنا جۇمىس ساپارى بارىسىندا ء«ات-تاقۋا» مەشىتىنە باردى.
