ء«وڭىر» دەپۋتاتتىق توبىنىڭ جەتەكشىسى ميحايل بورتنيك كەزدەسۋدى اشا كەلىپ, مەملەكەت باسشىسى ەڭبەك ونىمدىلىگىن ارتتىرۋ جانە قايتا وڭدەلگەن اۋىل شارۋاشىلىعى ونىمدەرىنىڭ ەكسپورتىن تۇبەگەيلى ۇلعايتۋ مىندەتىن العا قويعانىن ەسكە سالدى. ءبىز الەمدىك نارىققا جوعارى ساپالى دايىن ونىممەن شىعۋىمىز كەرەك. جولداۋدا «سونىمەن قاتار جەردى بارىنشا ءتيىمدى يگەرەتىندەردى ىنتالاندىرىپ, ال دۇرىس پايدالانا المايتىندارعا شارا قولدانۋ كەرەك. ءتيىمسىز سۋبسيديالاردى اۋىل شارۋاشىلىعى كەشەنى سۋبەكتىلەرىنە ارنالعان بانك نەسيەلەرىن ارزانداتۋعا قايتا باعىتتاۋ قاجەت», - دەپ اتاپ وتىلگەن بولاتىن. پرەزيدەنت اگروونەركاسىپ كەشەنىندەگى ەڭبەك ونىمدىلىگىن 5 جىل ىشىندە ارتتىرۋدى جانە وڭدەلگەن اۋىل شارۋاشىلىعى ونىمدەرىن ەكسپورتتاۋدى كەم دەگەندە 2,5 ەسە ۇلعايتۋدى تاپسىردى. وسى مىندەتتەردى ىسكە اسىرۋ ءۇشىن اۋقىمدى جۇمىستاردى اتقارۋعا تۋرا كەلەدى.
سەناتىنىڭ دەپۋتاتتارىنىڭ سولتۇستىك قازاقستان وبلىسىنداعى اۋىل شارۋاشىلىعى كاسىپورىندارىن ارالاۋ بارىسىندا كوز جەتكەن كەيبىر وڭ ناتيجەلەرگە قاراماستان, M.بورتنيك بىرقاتار وزەكتى ماسەلەلەردى اتاپ ءوتتى. ونىڭ ىشىندە شيكىزاتتى دايىنداۋ مەن ساقتاۋ جۇيەسىنىڭ كەنجە قالۋى, قارجىلاندىرۋعا قول جەتكىزۋ مۇمكىندىگىنىڭ شەكتەۋلى بولۋى, اۋىل شارۋاشىلىعى عىلىمىنىڭ وندىرىستەن الشاقتىعى, تاۋار وتكىزۋ نارىقتارىنىڭ تارىلا باستاۋى جانە تاعى باسقا ماسەلەلەر ايتىلدى.
M.بورتنيكتىڭ ايتۋىنشا, ورتالىق جانە جەرگىلىكتى اتقارۋشى مەملەكەتتىك ورگانداردىڭ, قارجى ينستيتۋتتارىنىڭ, اۋىل شارۋاشىلىعى جوعارى وقۋ ورىندارى مەن عىلىمي-زەرتتەۋ ورتالىقتارىنىڭ, سونداي-اق تاۋار وندىرۋشىلەردىڭ رەسۋرستارىن تارتا وتىرىپ, بۇل ماسەلەلەردى كەشەندى تۇردە شەشۋ كەرەك.
اۋىل شارۋاشىلىعى ءمينيسترىنىڭ ءبىرىنشى ورىنباسارى ارمان ەۆنيەۆ سالانى دامىتۋ ستراتەگياسىنا كلاستەرلىك سيپاتتى ەنگىزۋ قاجەتتىگىن اتاپ ءوتتى. كلاستەرلىك ءادىس قانا وسى سالانىڭ باسەكەگە قابىلەتتىلىگىن ارتتىرۋدىڭ ءتيىمدى قۇرالى بولىپ تابىلادى.
وتىرىستا سولتۇستىك قازاقستان وبلىسى اكىمىنىڭ ءبىرىنشى ورىنباسارى ايداربەك ساپاروۆ, قازاق اۋىلشارۋاشىلىعى ونىمدەرىن قايتا وڭدەۋ عىلىمي-زەرتتەۋ ينستيتۋتى باس ديرەكتورىنىڭ مىندەتىن اتقارۋشى گايني سارباسوۆا جانە باسقالار قاتىستى.
ءسوز سويلەۋشىلەر استىقتى جان-جاقتى وڭدەۋ مەن ونىمدەردەن قوسىمشا قۇن الۋدىڭ ماڭىزدىلىعىن اتاپ ءوتتى.
بيداي, مال شارۋاشىلىعى, مايلى داقىلدار مەن ءسۇت سالاسى بويىنشا ايتارلىقتاي ەكسپورتتىق الەۋەتى بار, استىق داقىلدارىن وندىرۋدە الەمدە ەكىنشى ورىن الاتىن قازاقستانعا دۇنيە ءجۇزىنىڭ ازىق-ت ۇلىك نارىقتارىنا شىعۋدىڭ تاماشا مۇمكىندىكتەرى بار.
سەناتور ەرىك سۇلتانوۆ اۋىل شارۋاشىلىعى ونىمدەرىن بۇدان دا تەرەڭ وڭدەۋگە كوشىرۋ قاجەتتىگى مەن جوعارى قوسىمشا قۇنمەن ەكسپورتقا شىعۋ تۋرالى ايتتى.
تالقىلاۋعا سەناتورلار ەرىك سۇلتانوۆ, راشيت اكىموۆ, بەكمىرزا ەلامانوۆ, مۇراتباي جولداسباەۆ جانە سەرگەي پلوتنيكوۆ, سونداي-اق بىرقاتار مەملەكەتتىك ورگانداردىڭ, شارۋا قوجالىقتارى مەن اۋىل شارۋاشىلىعى كووپەراتيۆتەرىنىڭ باسشىلارى قاتىستى.
سەناتورلار كوشپەلى وتىرىس بارىسىندا «تايىنشا ماي» سەرىكتەستىگىندە, «BioOperations» ء(دان ۇلپاسى مەن كراحمال زاۋىتى), «پەتروپاۆل تراكتور زاۋىتى», «ماسلودەل», «ريمكازاگرو» مەكەمەلەرى مەن ەت كوميناتىندا بولىپ, وندىرىسكە يننوۆاتسيالىق تەحنولوگيالاردى ەنگىزۋ جۇمىستارىمەن تانىستى.
