قازاقستان تاراپىنان كەلىسىمگە «بايتەرەك» ۇلتتىق باسقارۋشى حولدينگى» اق باسقارما توراعاسى ايدار ءارىپحانوۆ, قىتاي تاراپىنان - CITIC Eurasian Capital Limited كورپوراتسياسىنىڭ باس ديرەكتورى سۋن يان جانە قىتاي-ەۋرازيالىق ەكونوميكالىق ىنتىماقتاستىق قورىنىڭ پرەزيدەنتى لين گان قول قويدى.
«قۇرىلعان قوردىڭ جوسپارلانعان ماقساتتى كولەمى 500 ملن. اقش دوللارىنا دەيىن جەتەدى. قوردىڭ نەگىزگى ينۆەستيتسيالارى ينفراقۇرىلىمدى دامىتۋ, تابيعي رەسۋرستاردى وڭدەۋ, لوگيستيكا, اقپاراتتىق تەحنولوگيالار, وڭدەۋشى ونەركاسىپ جانە اگروونەركاسىپتىك كەشەن سياقتى ەكونوميكانىڭ ءارتۇرلى سالالارىندا قازاقستان اۋماعىندا جوبالاردى ىسكە اسىرۋعا باعىتتالاتىن بولادى», - دەدى ا. ءارىپحانوۆ.
كەلىسىمدى ىسكە اسىرۋ جونىندەگى نەگىزگى قازاقستاندىق ينستيتۋت «بايتەرەك» حولدينگىنىڭ ەنشىلەس ۇيىمى «قازىنا كاپيتال مەنەدجمەنت» اق بولادى. بۇدان بۇرىن, 2017 جىلعى 7 ماۋسىمدا استانا قالاسىندا شانحاي ىنتىماقتاستىق ۇيىمىنىڭ ءسامميتى شەڭبەرىندە ينۆەستيتسيالىق قور قۇرۋ جونىندەگى ءوزارا تۇسىنىستىك تۋرالى مەموراندۋمعا قول قويىلعان.
«جاڭادان قۇرىلعان Eurasian Nurly (Bright) Investment Fund قورى قىتايداعى ءىرى ينستيتۋتسيونالدىق جانە CITIC Group, China Eurasian Economic Cooperation Fund, Asia Investment Finance Group Limited جانە باسقا جەكە ينۆەستورلاردان قازاقستان ەكونوميكاسىنا ينۆەستيتسيالار تارتادى. كەلىسىمگە قول قويۋ - قازاقستاندىق جوبالاردى قارجىلاندىرۋ كوزدەرىن كەڭەيتۋ جونىندەگى جەمىستى جۇمىسىمىزدىڭ ناتيجەسى», - دەدى «قازىنا كاپيتال مەنەدجمەنت» اق باسقارما توراعاسىنىڭ ورىنباسارى اسەت ساعىمبەكوۆ.
