وتىرىسقا وڭىردە تىركەلگەن ءدىني بىرلەستىكتەردىڭ جەتەكشىلەرى, جەرگىلىكتى مەملەكەتتىك ورگان باسشىلارى مەن ءماسليحات دەپۋتاتتارى قاتىستى.
دارحان كالەتاەۆ ءدىنباسىلار الدىندا ءسوز سويلەپ, مەملەكەتتىڭ ءدىن سالاسىنداعى باستامالارى مەن زاڭنامالىق وزگەرىستەر تۋرالى باياندادى.
ءمينيستردىڭ ايتۋىنشا, مەملەكەتتىڭ ءدىني بوستاندىعىن قامتاماسىز ەتۋ سالاسىنداعى قۇقىقتىق بازاسى الەمدىك دەموكراتيالىق ستاندارتتارعا تولىقتاي سايكەس كەلەدى. مۇنى وسى باعىتتا زەرتتەۋ, تەكسەرۋ جۇرگىزەتىن حالىقارالىق, قۇقىقتىق ۇيىمدار دا, ساراپشىلار دا راستايدى.
ءدىن ىستەرى جانە ازاماتتىق قوعام ءمينيسترى زاڭ جوباسىنىڭ نورمالارى ءدىندى دەسترۋكتيۆتى ماقساتتارعا قولدانۋ جاعدايلارىن بارىنشا ازايتۋعا عانا ەمەس, سونداي-اق ەلدە زاڭدى ارەكەت ەتەتىن ءدىني بىرلەستىكتەردىڭ قىزمەتىن جەڭىلدەتۋ جانە دىنگە سەنۋشىلەردىڭ قۇقىقتارىن قورعاۋعا باعىتتالعانىن جەتكىزدى.
بۇگىنگى تاڭدا وبلىس اۋماعىندا 91 ءدىني بىرلەستىك جۇمىس جاسايدى. ونىڭ ىشىندە 67 بىرلەستىك قازاقستان مۇسىلماندارى ءدىني باسقارماسىنىڭ فيليالى سانالادى. سونىمەن قاتار, 8 پراۆوسلاۆيلىك, 2 كاتوليكتىك, 13 پروتەستانتتىق, 1 «كريشنا ساناسى قوعامى» ءدىني ۇيىمدارى بار.
