ء ىشى قانىق تا تارتىمدى كورىنىستەرگە تولعان فوتوالبومنىڭ ءبىرىنشى داناسىن سىيلىق رەتىندە اقمولا وبلىسى اكىمىنىڭ ورىنباسارى قانات ىدىرىسوۆ قابىلداپ العاندىعىن ايتا كەتۋ كەرەك. فوتوالبومنىڭ ماڭىزدىلىعىن اكىمنىڭ ورىنباسارى بىلايشا تۇجىرىمدادى: «قازىرگى كەزدە, اقمولا وبلىسى اكىمدىگى تاراپىنان «Four Seاsوns» تۇجىرىمداماسى جۇزەگە اسىرىلۋدا. اتالمىش فوتوالبوم كۋرورتتى ايماققا تۋريستەردى عانا ەمەس, شەتەلدىك, وتاندىق ينۆەستورلاردى تارتۋعا دا سەپتىگىن تيگىزەدى». ءوز كەزەگىندە قازاقستان رەسپۋبليكاسىنىڭ تۇڭعىش پرەزيدەنتى – ەلباسى قورى اتقارۋشى ديرەكتورىنىڭ كەڭەسشىسى ءاليا قايشاروۆا بۋراباي تابيعاتىنىڭ بىرەگەيلىگىن جانە وزىندىك ەرەكشەلىكتەرىن الەمگە ايگىلەۋ ءۇشىن فوتوالبوم شىعارۋدى ۇيعارعاندىقتارىن ايتتى.
«مەملەكەت باسشىسى وسى وڭىردە بولعان كەزدە ونىڭ سۇلۋلىعىنا ءاردايىم تامسانىپ قانا قويماي, تەرەڭ تاريحىنا دا وي جۇگىرتەدى. ويتكەنى بۋراباي ابىلاي حانمەن تىعىز بايلانىستى تاريحقا يە. ونىڭ ۇستىنە ءوڭىر كەيبىر اڭىزدارىمەن دە وزىنە تارتىمدى ەتىپ كەلەدى. ولاي بولسا جاڭا فوتوالبوم ارقىلى وتاندىق جانە شەتەلدىك تۋريستەردىڭ نازارىن قازاقستاننىڭ ءىنجۋ-مارجانىنا اۋدارا الامىز دەگەن سەنىمدەمىز», دەدى ديرەكتور كەڭەسشىسى اعىنان جارىلىپ.
اتقارۋشى ديرەكتور كەڭەسشىسىنىڭ سوزىنە قاراعاندا, مادريدتە بۇۇ جانىنداعى دۇنيەجۇزىلىك تۋريستىك ۇيىمنىڭ عيماراتىندا فوتوالبوم كورمەسىن تاماشالاعان ىرگەلى ۇيىمنىڭ قىزمەتكەرلەرى سۇلۋ دا بىرەگەي كارتينالاردى ۇناتقاندارى سونشالىق, ولار ەلورداعا مىندەتتى تۇردە كەلۋدى جوسپارلاپ وتىرعان كورىنەدى. سوناۋ يسپانيادان موتوتسيكلدەرىمەن شىعىپ, اراعا 20 كۇن سالىپ استاناعا جەتپەك نيەتتەرىمەن ءبولىسىپتى. ءتىپتى قازاقستانعا جاسالاتىن ساپارلارى تۋرالى كىتاپ تا شىعارماق ەكەن.
اسقار تۇراپباي ۇلى,
«ەگەمەن قازاقستان»
اقمولا وبلىسى
