ۇلت رۋحانياتىنا قوسىلعان ولجا

تورتكۇل دۇنيەگە قازاق ەلىن تا­نى­تىپ, قا­دىرىن ارتتىرىپ, مەملە­كە­تى­نىڭ مەرەيىن ءوسىرىپ, دىتتەگەن جەرىنەن كورىنۋگە جول اش­قان ەلدىگىمىزدىڭ 20 جىل­دىعىنا ارنالعان «تاۋەلسىزدىك تول­عاۋى» اتتى ەكىنشى رەسپۋب­لي­كا­لىق كونكۋرستىڭ قو­رى­تىندىسى شى­عىپ, جەڭىمپازدارى انىقتالدى. ءجۇز­دەن جۇيرىك شىققانداردى ماراپاتتاۋ ءراسىمى وتكەن اپتانىڭ سوڭىنا قاراي ەلورداداعى كۇ­لاش بايسەيىتوۆ اتىن­داعى ۇلتتىق وپەرا جانە بالەت تەات­رىندا بولدى. ۇلت رۋحانياتىنا ولجا بولىپ قوسىلعان شىعار­ما اۆتورلارىن ماراپاتتاۋ راسىمىنە ەلى­مىزدىڭ كور­نەكتى مادەنيەت جانە ونەر قاي­راتكەرلەرى قاتىستى. كونكۋرستىڭ باستى ماق­ساتىنا توقتالا كەتەر بول­ساق, وتانىمىزدىڭ وپەرالىق, درامالىق تەاترلارى مەن كونتسەرتتىك ۇيىمدارىنىڭ رەپەرتۋارلارىن ءتاۋ­ەلسىز مەملەكەتىمىزدىڭ جەتىستىكتەرىن بەينەلەيتىن شىعارمالارمەن تولىقتىرۋ, كومپوزيتورلار مەن دراماتۋرگتەرگە قولداۋ كورسەتۋ, بۇعان قوسا, ولاردى كوركەم شىعارمالار جازۋعا ىن­تالاندىرۋ, تالانت­تاردىڭ ەڭبەكتەرىن كوپشى­لىككە تانىتۋ, ورىنداۋ­شى­لاردىڭ شىعارما­شى­لىق مۇمكىندىكتەرىن كەڭەيتۋ جانە شەبەرلىكتەرىن ارتتىرۋ. العاشقى ءسوزدى مادەنيەت ۆيتسە-ءمينيسترى ع.تەلەباەۆ الىپ, وسىدان ەكى جىل بۇرىن وتكەن كونكۋرس­تىڭ جالعاسى بولىپ سانالاتىن بۇل شارا اتى ايتىپ تۇرعانداي بيىل تاۋەل­سىزدىك تاقىرىبىنا باعىتتال­عانىن, جۇلدەگەر­لەردىڭ ديپلومدار مەن اقشالاي سىياقىمەن ماراپاتتالاتىنىن, وزىق تۋىن­دىلار­دىڭ ەلى­مىزدىڭ جەتەكشى تەاترلارىندا قويىلۋ ءمۇم­كىندىگى بار ەكەنىن العا تارتتى. ءسويتىپ, «ەڭ ۇزدىك زاماناۋي تاقىرىپتاعى ءان» نومين­ا­تسياسى بويىنشا ءبىرىنشى ورىندى كومپوزيتور سەرىكجان ءابدىنۇروۆ پەن اقىن سەيفوللا وسپاننىڭ «قۇت مەكەن» دەگەن ءانى جەڭىپ السا, ەكىنشى ورىنعا «دۇنيە» تۋىندىسى ءۇشىن بەيبىت بىرىمعازى (كومپوزيتور) ايتمۇحامبەت قوسجانوۆ يە بولدى. ال «حورعا ارنالعان ەڭ ۇزدىك شىعارما» نو­مي­ناتسياسى بويىنشا ءبىرىنشى ورىندى «وتانىم مە­نىڭ قازاقستان» تۋىندىسى ءۇشىن روبەرت ايدوس (كومپوزيتور), قۇماربەك سىدىق السا, ەكىنشى ورىندى جام­بىل جاباەۆتىڭ سوزىنە جازىلعان كومپوزيتور جو­لامان تۇرسىنباەۆ «بىرلىگىڭ بولسىن, اعاي­ىن!» اتتى ەڭبەگى ءۇشىن يەلەندى. سونداي-اق «ەڭ ۇزدىك وپە­را­لىق شىعارما» نومينا­تسياسى بويىنشا قازاق ونە­رى­نىڭ ايتۋلى ازاماتى, جەزتاڭداي ءانشى بەكبولات تىلەۋحان ارقالى اقىن, مارقۇم ەرىك اسقاروۆتىڭ ءسو­زى­نە جازعان «اينالايىن, ازاتىم» تۋىندىسى ءۇشىن باس جۇلدەنى قانجىعاسىنا بايلاسا, «ەڭ ۇزدىك درا­ما­لىق شىعارما» نوميناتسياسى بويىنشا باس جۇلدەنى «ارداگەر» پەساسى ءۇشىن كورنەكتى جازۋشى تولەن ءاب­دىك­ ۇلى الدى. ءبىرىنشى ورىن «شاكارىم» اتتى تۋ­ىن­دىسى ءۇشىن بەلگىلى رەجيسسەر اۋباكىر راحيموۆقا ءتيدى. جۇلدەگەر شىعارمالاردان ورىندالعان ءۇزىن­دى­لەر مەن كورىنىستەر كەش اجارىن اشا ءتۇستى. سونداي-اق تال­عات كۇزەمباەۆ, بولات جومارتوۆ, ەرلان ءبىلال, مار­جان اراپباەۆا جانە ك.بايسەيىتوۆا اتىنداعى ۇلت­­­­­تىق وپەرا جانە بالەت تەاترىنىڭ سيمفونيالىق وركەسترى مەن حورى, م.اۋەزوۆ اتىنداعى قازاق درا­ما تەاترى, قازاق ۇلتتىق ونەر ۋنيۆەرسي­تە­تىنىڭ «يليگاي» بالالار حورى كوپشىلىككە ەرەكشە كوڭىل كۇي سىيلادى. اسەم ءان, ادەمى كورىنىستەرمەن زال تولى جۇرتتىڭ مەرەيىن وسىرگەن كەشتە بەلگىلى تەاتر سىنشىسى ءاشىر­بەك سىعاي, اتاقتى ونەر جۇل­دىزدارى اناتولي مولودوۆ, بەكبولات تىلەۋحان, قازاقستاننىڭ حا­لىق ءارتىسى گۇلجان ءاس­پە­توۆالار ۇلتتىق رۋحا­نيا­تى­مىزعا قوسىلعان قوماقتى دۇنيەلەر تۋرالى جان-جاقتى اڭگىمە قوزعاپ, وسىنىڭ بارىنە تاۋەلسىزدىكتىڭ ارقا­سىندا قولىمىز جەتىپ وتىرعانىنا ناقتى مى­­سالدار كەلتىردى. سۇلەيمەن مامەت.