ولەڭىن ومىرىمەن ورنەكتەگەن

«ەرىنبەگەن ەتىكشى بولادى» دەگەن­نىڭ كەرى كەلىپ, بۇگىندە ولەڭنەن ەنشى ال­­عىسى كەلەتىندەردىڭ قاراسى تىم كو­بەي­ىپ بارادى. ەكى اۋىز ءسوزدىڭ باسىن قۇ­­­­­­راپ, ۇيقاس قۋاتىندار اقىن اتانىپ, جاماۋ-جاسقاۋ جىرلارىن جيناق ەتىپ شىعا­رۋ­عا ەپتىلەنىپ الدى. اقيقاتىندا, پوەزيا الەمىندە اتى تاڭسىق قۋانبەك ابدۋللا­ەۆ­تىڭ جىر-جيناقتارىن دا وسى سا­نات­تاعى كوپ كىتاپتاردىڭ ءبىرى مە دەگەن ءبىر كۇدىك, ءبىر ۇمىتپەن قولعا الدىق. وتقا ورانعان ورداڭدا وتىرارىم, ويعا باتىپ مەن ۇزاق وتىرارمىن. تۇياقتارى تاپتاعان وتىراردىڭ ۋىستايمىن قولعا الىپ توپىراعىن. شىمىر شۋماق, شىرايلى وي ەرىكسىز شاۋجايعا جارماسىپ, قۋانبەك شى­عار­مالارىنىڭ شىڭىراۋىنا تارتىپ اكەتتى. جۇرەكتەن شىققان عانا جۇرەككە جەتەدى. سەزىم قىلىن شەرتەر مۇنداي جىر جولدارى شىن اقىنجاندى جۇرەك­تەن تۋسا كەرەك. تەك ولەڭدى ونەردىڭ ءتو­رەسى ساناپ, كوڭىلىنىڭ تورىنە قوندىرا­تىن­دار عانا وزگەنىڭ ساناسىن ورنەكتى ويمەن باۋراپ, جىر الەمىنىڭ كيەلى ساح­ناسىنا سەسكەنبەي شىعادى. ساباقتاسىپ ۇلى ءومىر ۇزىلمەگەن, قۋات-جىگەر الامىن وزىڭنەن مەن. يگى جاقسى ادامدار ىشىندەگى, كورىنەسىڭ اكەجان تىزىمدەردەن. مىنە, ولەڭ دۇنيەسىن مەزگىلىنەن كەش اشقان قۋانبەك ابدۋللاەۆ اكە تۋرالى وسىلاي تولعانادى. شىنايى شىندىق­تى تاپ باسقان بۇل شۋماقتىڭ دا وقىر­مانىن بەي-جاي قالدىرمايتىنى انىق. وسى جىر كىتاپتارىنىڭ بىرىندەگى العى سوزدە قۋانبەك «قاي تىرلىكتىڭ بولسا دا العاشقىسى ىستىق, جانىڭا جاقىن ءتات­تى بولارى ءسوزسىز. ولەڭ جازۋ بالا كەزدەن ەركىمدى باۋراپ الدى. العاشقى ولە­ڭىم 1958 جىلى اۋداندىق گازەتتە جا­رىق كوردى. كەيىن ستۋدەنت بولعان تۇس­تاردا رەسپۋبليكالىق باسىلىمداردا ءبىردى-ەكىلى ولەڭدەرىمنىڭ شىققانى بار. تەك سوڭعى 10-15 جىل كولەمىندە ءوندى­رىپ جازا باستادىم», دەپ اعىنان جارى­لادى. ءيا, ەگدە تارتقاندا ولەڭ الەمىنە ەركىن بويلاپ, ءتورت قۇبىلاسى تەڭ تەرەڭ تۋىندىلار تۋعىزۋ ەكىنىڭ ءبىرىنىڭ قو­لىنان كەلە بەرمەيتىن قۇب­ى­لىس ەكەنى داۋسىز. بىراق, ول بويداعى دارىنىن كە­ڭىنەن اشىپ, قالامىنان شىققان ءاربىر شىعارماسىندا تۇيسىكتى ويلارىن ءتۇيىن­دەي تولعانادى. ءار قازاقتىڭ تورىنەن ورىن الىپ, جاتىر سەنىڭ ارمانىڭ ورىندالىپ. ارحيۆ تە ەمەس, جۇرەكتە تەربەتىلگەن, جىرلارىنا ءتاۋ ەتەم, قولىما الىپ. مىنە, قۋانبەك ءوزىنىڭ اقيىق اقىن مۇقاعاليعا دەگەن جۇرەكجاردى سەزىمى مەن سۇيىسپەنشىلىگىن وسىلاي سەزدىرەدى. قايىڭ بىتكەن كونبەدىڭ سەن ايىرباسقا, ادام بولىپ تۇرساڭدار جاراماس پا؟ مۇقاعالي تەربەلىپ تۇرار ەدى-اۋ, تاڭ اتقاندا, قايىڭ بوپ, قاربالاستا. قۋانبەك, جالپى, شىعارمالارىندا ءوزىنىڭ كەڭ اۋقىمدى اقىن بولعىسى كەلەتىندىگىن ءوزىنىڭ وي-ءورىسىنىڭ بيىكتىگى­مەن-اق كورسەتىپ تۇرعانداي. ونىڭ تۋ­عان جەرگە, وسكەن ورتاعا دەگەن ىستىق ىقىلاسى, تاريحقا, تاعىلىمعا دەگەن شى­نايى سەزىمدەرى كوزى اشىق ءاربىر وقىرماننىڭ جۇرەگىنە جول تاۋىپ زەردەسىنە وي تاستايتىنى ءسوزسىز. وڭتۇستىك وڭىرىنە, سىر ولكەسىنە كە­ڭىنەن تانىمال وتىرار ايماعىنىڭ ءتول پەرزەنتى قۋانبەك ابدۋللاەۆ 1946 جىلى وتىرار اۋدانى, تالاپتى اۋىلىندا ءدۇ­نيەگە كەلگەن. نەگىزگى ماماندىعى مال­دا­رىگەرلىك سالاسىندا ۇزاق جىل جەمىستى ەڭبەك ەتىپ, شاعالالى شاردارا اۋدا­نىن­دا زور قۇرمەتكە بولەنگەن ەل اعاسى. ول ولەڭ الەمىن ءونىمدى ولەڭ­دە­رىمەن كەش­تەۋ اتتاسا دا جىرسۇيەر قاۋىم ارا­سىنان ءوزىنىڭ وقىرماندارىن تاۋىپ, لايىقتى جىرلارىمەن كوپشىلىك كوڭى­لىنەن شىعىپ كەلەدى. تاۋلار بيىك تالاسادى اسپانمەن, بيىكتىكپەن ساناساتىن قاسقاڭ – مەن. جىرلارىڭدى اق جاۋىن بوپ توگىلگەن, قاتار قويام مازمۇنى مول داستانمەن. ءيا, بۇل اقىن قۋانبەك ابدۋللاەۆ­تىڭ ولەڭ دۇنيەسىنىڭ بيىك ساحناسىنا شىق­قانداعى جازعان شىنايى سەزىمى. اقىن­نىڭ بۇل جىر جولدارى وزىنە دەگەن سەنىمدىلىكتىڭ الەۋەتىن كورسەتىپ, ەشكىمگە تاۋەلدى بولماي, جالتاقتاماي شىنا­يى ءومىر ءسۇرۋدىڭ قاجىرلى ەڭبەك­پەن, تىنىمسىز كۇرەستىڭ عانا جەتىستىككە جەتكىزەتىنىن پاش ەتەدى. اقىن ولەڭ­دە­رىنىڭ زور رۋحى دا وسىندا. مارات اققۇل.