رونالدۋدىڭ سوڭعى مۇمكىندىگى

سالىستىرۋ ءۇشىن ايتار بول­ساق, پيرەنەيلىكتەردىڭ ەۋرو­پا بىرىنشىلىگىندەگى ەڭ ناشار نا­تي­جەسى – شيرەك فينال (1996 جا­نە 2008 جىل). ەكى رەت فينال­عا شىعىپ, ءبىر مارتە جەڭىمپاز اتان­عان. ال الەم چەمپيوناتىندا ءۇش رەت (1986, 2002 جانە 2014 جىل) توپتىق كەزەڭنەن ءارى اسا الماعان. ەڭ جارقىن ناتيجەسى – ءۇشىنشى ورىن (1966). سونىمەن قاتار قۇ­را­مىندا لۋيش فيگۋ, پەدرۋ پاۋلەتا, نۋنۋ گومەش جانە دەكۋ سە­كىلدى فۋتبول كوريفەيلەرى بار كوماندا 2006 جىلى گەرمانياداعى جاھان­دىق دوپ دوداسىندا ءتور­تىن­­­شى ورىنعا قول جەتكىزدى. سول جىلى جارتىلاي فينالدا فران­تسيا­دان جەڭىلسە (0:1), ءۇشىن­شى ورىن ءۇشىن وتكەن ماتچتا جا­رىس قو­جايىندارى گەرمانيا قۇ­را­ما­سىنا 1:3 ەسەبىمەن ەسە جى­بەردى.

ىرىكتەۋدەن ىركىلمەگەن پورتۋگاليا

الەم چەمپيوناتىنا ىرىكتەۋ كە­زەڭىندە پورتۋگاليا «ۆ» تو­بىن­دا شۆەيتساريا, ۆەنگريا, فا­رەر ارالدارى, لاتۆيا جانە اندوررا قۇرامالارىمەن سىن­عا ءتۇستى. جالپى, رەسەيدە وتە­تىن الەمدىك مۋنديالعا بارۋ ءۇشىن ەۋروپا چەمپيون­دا­رى­نا تەك شۆەيتساريا قۇ­را­ماسى عا­نا قارسىلىق كور­سە­تە الدى. ەكى قۇراما ىرىك­تەۋ كە­زەڭ ويىن­دا­­رىنىڭ ءبى­رى­ن­­­شى تۋرىندا جو­لىعىپ, كۇت­پە­گەن جەردەن پور­تۋگاليا قۇ­راماسى 0:2 ناتيجەسىمەن جە­ڭىلىپ قال­دى. وسىدان سوڭ فەر­نان­دۋ سانتۋشتىڭ شاكىرت­تە­رى ەسە قاي­تارۋ ءۇشىن شۆەيتساريا قۇ­را­ما­سى­مەن وتەتىن قارىمتا ويىن­دى كۇ­تۋ­مەن بولدى. ءسويتىپ 2017 جىل­دىڭ 10 قازانى كۇنى ىرىك­­تەۋ كە­زەڭنىڭ سوڭعى تۋرىن­دا پور­تۋگاليا قۇراماسى ءوز الا­ڭىن­دا شۆەيتساريانى قابىل­داپ, ءدال العاشقى ويىنداعى ەسەپپەن بۇل جولى پيرەنەي تۇبە­گىن­دەگى ەل­دىڭ فۋتبولشىلارى جە­ڭىس­كە جەتتى. ىرىكتەۋ كەزەڭى اياق­تال­عان سوڭ ەكى قۇراما دا 27 ۇپاي يەلەنىپ, بىردەي ناتيجە كور­سەت­­تى.

توعىز جەڭىس, ءبىر جەڭىلىس. توپ­­تاعى ءبىرىنشى ورىندى يەلەن­گەن قۇ­رامانى انىقتاۋ ءۇشىن كو­مان­دالاردىڭ گول سوعۋ جانە ءوز قاق­پاسىنا جىبەرگەن گول كور­سەت­كى­شىنە قاراپ, پورتۋگاليا قۇ­را­ماسى ۇزدىك دەپ تانىلدى. ءسوي­تىپ, پورتۋگاليا ءبىرىنشى ورىن­مەن, شۆەيتساريا فۋتبولشى­لارى ەكىن­شى ورىنمەن الەم چەمپيوناتى­نا جولداما الدى.

ىرىكتەۋ كەزەڭىنىڭ قالعان ويىندارىندا رونالدۋ جانە ونىڭ كوماندالاستارى فارەر ارالدارىنا قارسى ەكى ماتچتا 6:0 جانە 5:1 ەسەبىمەن جەڭىسكە جەتتى. ال لاتۆيا فۋتبولشىلارىن العاش ءوز الاڭدارىندا 4:1 ەسەبىمەن جەڭ­سە, سىرت الاڭداعى كەزدەسۋ­دە جاۋاپسىز ءۇش گول سوقتى. پور­تۋ­گا­لياعا ۆەنگريا قۇراماسى ازداپ قار­سىلىق كورسەتكەندەي بولدى. دە­گەنمەن ەۋروپا چەمپيوندارى ءبارىبىر قارسىلاستارىن قاپى قال­دىردى. العاشقى ويىندا 3:0 ەسەبىمەن باسىم تۇسسە, سىرت الاڭ­دا 1:0 ەسەبىمەن جەڭدى. «ۆ» توبىنىڭ ەڭ سوڭعى ورنىن يەلەنگەن اندوررا قۇراماسىن 6:0 جانە 2:0 ناتيجەسىمەن ۇتتى.

ەسكى قارسىلاسىمەن ءبىر توپقا ءتۇستى

الەم چەمپيوناتىنىڭ توپ­تىق كەزەڭىندە پورتۋگاليا وزىنە ۇيرەنشىكتى «ۆ» توبىندا ەسكى قار­سىلاسى يسپانيامەن قار­سى سىنعا تۇسەدى. پورتۋگاليا ءۇشىن دە چەمپيونات ءدال وسى قۇرا­ما­عا قارسى ويىنمەن باستالادى. بۇل ماتچ ەكى قۇراماعا دا وتە ماڭىزدى كەزدەسۋ بولماق. ويت­كەنى, 15 ماۋسىمدا سوچيدە وتە­تىن وسى تەكەتىرەستەن سوڭ «ۆ» كۆار­­تەتىندە كىم ءبىرىنشى, كىم ەكىن­­شى ورىن الادى دەگەن ساۋال­دىڭ جاۋابى 50 پايىزعا بەلگىلى بول­­ماق. ءارى قاراي بارلىعى ەكى قۇ­رامانىڭ ءوز قولىندا. پور­تۋ­گاليا ەكىنشى تۋردا ماروككو قۇراماسىمەن ويناسا, سوڭعى تۋردا يرانمەن كىم مىقتىنى انىقتايدى.

پورتۋگاليا كومانداسىنىڭ چەم­پيوناتتاعى باستى ماقساتى – الەم چەمپيونى اتانۋ. سونىمەن قاتار بۇل بىرىنشىلىك قۇراما ۇزدىگى كريشتيانۋ رونالدۋدىڭ سوڭعى الەم چەمپيوناتى بولۋى مۇمكىن. سوندىقتان رونالدۋ جانە ونىڭ كومانداسى ءۇشىن بيىلعى ءدۇبىرلى دودادا قا­لايدا توپ جارۋ كەرەك.

جالپى, ستاتيستيكا سۇيەر قاۋىم­عا جانە پورتۋگاليا قۇ­را­­ما­سىنىڭ جانكۇيەرلەرىنە مىنا­داي مالىمەتتى ۇسىنعىمىز كە­لەدى. الەم چەمپيوناتى الدىنداعى ەۋروپا چەمپيونا­تىن جەڭىپ العان قۇراما ەكى جىل­­دان سوڭ مىندەتتى تۇردە الەم بىرىنشىلىگىندە توپ جارا­دى. مىسالى, 1972 جىلى گەر­ما­­نيا قۇراماسى كارى قۇرلىق بى­­رىن­­شىلىگىن جەڭىپ, ەكى جىلدان سوڭ الەم چەمپيوناتىندا باس جۇلدەنى يەلەندى. ال 2008 جى­لى ەۋروپا چەمپيونى اتانعان يسپانيا فۋتبولشىلارى 2010 جى­لى وار-دا وتكەن دوپ دوداسىن­دا جەڭىمپاز اتاندى. بيىل الەم چەمپيونى اتانۋ كەزەگى 2016 جىلى ەۋروپا چەم­پيونى اتانعان پورتۋگاليا قۇ­راماسىنا كەلگەن سياقتى...

پورتۋگاليا قۇراماسىنىڭ ءتىزىمى:

قاقپاشىلار: انتوني لوپەش («ليون», فرانتسيا), بەتۋ («گەزتەپە», تۇركيا), رۋي پاتريسيۋ («سپورتينگ»).

قورعاۋشىلار: برۋنۋ الۆەش («رەيندجەرس», شوت­لان­ديا), سەدريك سۋاريش («ساۋت­گەم­پتون», انگليا), جوزە فونتي («داليان يفان», قىتاي), ماريۋ رۋي («ناپولي», يتاليا), پەپە («بە­شيكتاش», تۇركيا), رافاەل گەررەيرۋ («بورۋسسيا» گەر­مانيا), ريكاردۋ پەرەيرا («پورتۋ»), رۋبەن دياش («بەن­فيكا»).

جارتىلاي قورعاۋشىلار: ادريەن سيلۆا («لەستەر», انگليا), برۋنۋ فەرناندەش («سپورتينگ»), جواۋ ماريۋ («ۆەست حەم», انگليا), جواۋ موۋ­تينيۋ («موناكو», فران­تسيا), مانۋەل فەرناندەش («لو­كو­­موتيۆ», رەسەي), ۆيلليام كار­ۆاليۋ («سپورتينگ»).

شابۋىلشىلار: اندرە سيل­ۆا («ميلان», يتاليا), بەرناردۋ سيلۆا («مانچەستەر سيتي», انگليا), كريشتيانۋ رو­نالدۋ («رەال», يسپانيا), جەل­سون مارتينش («سپورتينگ»), گونسالۋ گەدەش («ۆالەنسيا», يسپانيا), ريكاردۋ كۋارەجما («بەشيكتاش», تۇركيا).

ءالي بيتورە,

«ەگەمەن قازاقستان»