مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى باتىس قازاقستان وبلىسى بويىنشا دەپارتامەنتىنىڭ باستاماسىمەن وبلىستىق سوتتا «پەنيتەنتسيارلىق مەكەمەلەردەگى سىبايلاس جەمقورلىققا قارسى مەكەمەلەردىڭ زاماناۋي تەحنولوگيالارى, تەتىكتەرى مەن رەسۋرستارى» تاقىرىبىندا عىلىمي-پراكتيكالىق كونفەرەنتسيا ءوتتى.
كونفەرەنتسياعا دەپارتامەنت قىزمەتكەرلەرى, وبلىس سۋديالارى, قىلمىستىق-اتقارۋ جۇيەسى دەپارتامەنتى وكىلدەرى, ارنايى ايماقتىق مونيتورينگتىك توپ مۇشەلەرى, «ادام قۇقىعى جانە زاڭدىلىق ساقتالۋ بويىنشا بيۋروسى» قوعامدىق ۇيىمى وبلىستىق فيليالىنىڭ باسشىلىعى جانە ءباسپاسوز وكىلدەرى قاتىستى.
– مەملەكەت باسشىسى الدىمىزعا قويعان باستى مىندەتتىڭ ءبىرى – سىبايلاس جەمقورلىقپەن كۇرەس جانە زاڭ ۇستەمدىگى. ەلىمىزدە الدىن الۋ, ءبىلىم بەرۋ-تاربيەلەۋ جانە جازالاۋ شارالارىنان قۇرالعان سىبايلاس جەمقورلىقپەن كۇرەستىڭ جاڭا ورنەگى جاساقتالدى. ادام ءومىرى ءۇشىن ماڭىزدى ماسەلەلەرگە قاتىستى زاڭنامالىق اكتىلەرگە تولىق تەكسەرۋ جۇرگىزۋگە نازار اۋدارىلدى, سىبايلاس جەمقورلىقتىڭ سەبەپتەرى مەن جاعدايلارىن جويۋعا باعىتتالعان جاڭا زاڭدار قابىلداندى. سىبايلاس جەمقورلىقتىڭ الدىن الۋشى مەكەمەلەر جەمقورلىق قاۋپىن تالداپ, مونيتورينگ جۇرگىزۋدە. ناقتى ورگانداردا جەمقورلىقتى جويۋ بويىنشا ۇسىنىمدار دايىندالۋدا.
سىبايلاس جەمقورلىقپەن كۇرەس ستراتەگياسىن جۇزەگە اسىرۋ اياسىندا مۇنداي مونيتورينگ جازاسىن وتەپ جاتقان سوتتالۋشىلاردىڭ قۇقىعىن قورعاۋ بويىنشا حالىقارالىق مىندەتتەمەلەردىڭ ورىندالۋ بارىسىن انىقتاۋ ءۇشىن وبلىستىڭ قىلمىستىق-اتقارۋ جۇيەسىنە جۇرگىزىلدى. تەكسەرۋ ناتيجەسىندە انىقتالعان جايتتار بويىنشا ءتيىستى ۇسىنىمدار جاسالدى, – دەيدى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى باتىس قازاقستان وبلىسى بويىنشا دەپارتامەنتىنىڭ باسشىسى, ادەپ جونىندەگى كەڭەس توراعاسى بولات يساقوۆ.
باتىس قازاقستان وبلىستىق سوتىنىڭ توراعاسى بەك امەتوۆ سوت جۇيەسىندە سىبايلاس جەمقورلىققا قارسى مادەنيەت قالىپتاسقانى تۋرالى مالىمدەدى. سوت جۇيەسىندە جەمقورلىققا قارسى باعدارلامانى ورىنداۋ ماقساتىندا جەمقورلىقتىڭ الدىن الۋ بويىنشا كەشەندى جوسپار جاساقتالعان. جوسپار مىندەتى – جەمقورلىقپەن كۇرەسكە سۋديالار مەن مامانداردى تارتۋ, سوت جۇيەسىندەگى جەمقورلىققا مۇلدەم توزبەيتىن قوعام قالىپتاستىرۋ. جەمقورلىق فاكتورىن جويۋ ءۇشىن سوت قىزمەتىندە ازاماتتاردىڭ ارىزدارى مەن ۇسىنىستارىنا سەرگەك قاراۋ, شاعىمدارعا ۋاقتىلى شارا الۋ, سۋديالىق كورپۋس جانە سوت قىزمەتكەرلەرى تاراپىنان جاسالعان قۇقىق بۇزۋشىلىقتار تۋرالى سەنىم تەلەفونىنا حابارلاۋ وتە ماڭىزدى.
كونفەرەنتسيادا ءسوز العان ورال قالالىق سوتىنىڭ سۋدياسى رۋسلان جۇماعۇلوۆ قىلمىستىق ىستەر مەن ماتەريالداردى بەينەكونفەرەنتسبايلانىس ارقىلى قاراپ, سوتتالۋشىلار مەن تۇلعالاردى تۇرمەدە جانە تەرگەۋ يزولياتورلارىنا اۋىستىرماي قارايتىن «قاشىقتىق سوت پروتسەسى» تۋرالى ايتىپ بەردى. بۇل تەحنولوگيا ۋاقىت پەن بيۋدجەت قاراجاتىن, سونداي-اق جالپى قاۋىپسىزدىك رەجىمىن ساقتاۋعا مۇمكىندىك بەرەدى. 2018 جىلدىڭ باسىنان باستاپ, سوت قىلمىستىق-اتقارۋ جۇيەسىنىڭ ءۇش مەكەمەسى بويىنشا 169 ۇيعارىمدى بەينەكونفەرەنتسيالىق بايلانىس ارقىلى قارادى. ازاماتتارعا قىزمەت كورسەتۋدە Iت-تەحنولوگيانى پايدالانۋ قارىم-قاتىناستى اشىق ەتىپ, سوت تورەلىگىن ءتيىمدى جۇزەگە اسىرۋعا كومەكتەسەدى.
ءوز سالاسىنداعى سىبايلاس جەمقورلىققا قارسى جۇرگىزىلىپ جاتقان ءىس-شارالار تۋرالى وبلىستىڭ قىلمىستىق-اتقارۋ جۇيەسى دەپارتامەنتىنىڭ باسشىسى دميتري كوبتسەۆ باياندادى. «ادام قۇقىقتارى جانە زاڭدىلىقتى ساقتاۋ بيۋروسى» قوعامدىق بىرلەستىگى وبلىستىق فيليالىنىڭ ديرەكتورى پاۆەل كوچەتكوۆ باس بوستاندىعىنان ايىرۋ ورىندارىندا سوتتالعانداردىڭ زاڭدى قۇقىقتارىن ساقتاۋ تۋرالى بايان-
داما جاسادى.
كونفەرەنتسياعا قاتىسۋشىلار اتاپ وتكەندەي, ءتيىمدى مەملەكەتتىك اپپارات قۇرۋدا مەملەكەتتىك قىزمەتشىلەردىڭ ادەبى ماڭىزدى ءرول اتقارادى. سوندىقتان مەملەكەتتىك ورگانداردا مەملەكەتتىك قىزمەتشىلەردىڭ ەتيكالىق كودەكسى مەن مەملەكەتتىك قىزمەت تۋرالى زاڭدى ساقتاۋ, سىبايلاس جەمقورلىققا قارسى بىرلەسە كۇرەسۋ ماقساتىندا باتىس قازاقستان وبلىستىق سوتىنىڭ توراعاسى ب.امەتوۆ پەن قازاقستان رەسپۋبليكاسى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ بقو بويىنشا دەپارتامەنتى باسشىسى ب.يساقوۆ ىنتىماقتاستىق تۋرالى مەموراندۋمعا قول قويدى.
بۇل مەموراندۋم مەملەكەتتىك ورگاندار مەن ۇيىمداردىڭ, كۆازيمەملەكەتتىك سەكتور سۋبەكتىلەرىنىڭ قىزمەتىندە جانە مەملەكەتتىك باسقارۋ ماسەلەسىندە كوررۋپتسيانىڭ الدىن الۋعا, ونىڭ پايدا بولۋ سەبەپتەرىن ازايتۋعا نەگىز بولادى دەيدى كونفەرەنتسيانى ۇيىمداستىرۋشىلار.
قازبەك قۇتتىمۇرات ۇلى,
«ەگەمەن قازاقستان»
باتىس قازاقستان وبلىسى
