«2018-2019 وقۋ جىلىنا كۇندىزگى وقۋ نىسانى بويىنشا ماماندىقتار بولىنىسىندە جوعارى ءبىلىمى بار مامانداردى, ماگيسترلەردى, PhD دوكتورلارىن دايارلاۋعا ارنالعان مەملەكەتتىك ءبىلىم بەرۋ تاپسىرىستارى ءبولىندى. قازاقستان رەسپۋبليكاسى ءبىلىم جانە عىلىم مينيسترلىگىنىڭ ينتەرنەت-رەسۋرسىندا مەملەكەتتىك ءبىلىم بەرۋ تاپسىرىسى بويىنشا بۇيرىق جاريالانعان. مينيسترلىكتىڭ بۇيرىعىنا قوسا بەرىلگەن قوسىمشادا مەملەكەتتىك بيۋدجەتتەن قارجىلاندىرىلاتىن جوو-لاردا جوعارى ءبىلىمى بار مامانداردى, ماگيسترلەردى, PhD دوكتورلارىن دايارلاۋعا ارنالعان كۆوتالار كورسەتىلگەن» دەلىنگەن حابارلامادا.
مالىمەتكە ساي, 2018-2019 وقۋ جىلىنا جوعارى ءبىلىمى بار مامانداردى دايارلاۋعا 53 594 گرانت, ماگيسترلەردى دايارلاۋعا 12 504 گرانت, PhD دوكتورلارىن دايارلاۋعا 2 240 گرانت بولىنگەن. مەملەكەت تاراپىنان تەحنيكالىق ماماندىقتارعا كوپ گرانت بولىنگەندىگىن اتاپ وتكەن ءجون. مەملەكەتتىك ءبىلىم بەرۋ تاپسىرىستارى بويىنشا تولىق اقپاراتتى قازاقستان رەسپۋبليكاسى ءبىلىم جانە عىلىم مينيسترلىگىنىڭ رەسمي ينتەرنەت-رەسۋرسىنان الۋعا بولادى.
