1974 جىلدىڭ 24 اقپانىندا ماسكەۋدە تۋىپ-وسكەن ەتەري تۋتبەريدزە سپورتشى رەتىندە ەلەۋلى تابىستارعا قول جەتكىزبەگەنىمەن, باپكەرلىك كاسىپتى جاقسىلاپ مەڭگەرىپ, ءوز شاكىرتتەرىمەن بىرگە كوپتەگەن بيىك بەلەستەردى باعىندىردى. 1994-1998 جىلدار ارالىعىندا ول اقش-تا ەڭبەك ەتتى. كەيىنننەن رەسەيگە ورالىپ, بىرقاتار دارىندى جاستاردى حالىقارالىق ارەناعا شىعاردى. اسىرەسە, 2014 جىل تۋتبەريدزە ءۇشىن اسا تابىستى بولدى. سول جىلدىڭ قاڭتار ايىندا بۋداپەشتە وتكەن ەۋروپا چەمپيوناتىندا ايتۋلى ماماننىڭ قول استىندا جاتتىققان يۋليا ليپنيتسكايا التىننان القا تاعىنسا, سەرگەي ۆورونوۆ كۇمىس مەدالدى يەلەندى. ال اقپان ايىندا سوچيدە الاۋى تۇتانعان وليمپيادا ويىندارىندا 15 جاسار ليپنيتسكايا كوماندالىق سايىستا باس جۇلدەنى ولجالادى. سونىمەن قاتار, ەۆگەنيا مەدۆەدەۆا, پولينا تسۋرتسكايا, سەرافيما ساحانوۆيچ, اديان پيتكەەۆ سىندى حاس شەبەرلەر ءار جىلدارى ەتەري تۋتبەريدزەنىڭ قول استىندا جاتتىقتى.
ازىرگە قوس تاراپ 2022 جىلى بەيجىڭە وتەتىن وليمپيادا ويىندارىنا دەيىن بىرلەسىپ جۇمىس ىستەۋدى كوزدەپ وتىر. بۇعان دەيىن بەس جىل بويى كانادانىڭ ايگىلى باپكەرى برايان ورسەردەن ءتالىم العان ەليزابەت تۋرسىنباەۆا ەندى رەسەيدىڭ ايگىلى سپورتشىسى, پحەنچحان وليمپياداسىنىڭ جەڭىمپازى الينا زاگيتوۆامەن بىرگە جاتتىعاتىن بولادى.
عالىم سۇلەيمەن,
«ەگەمەن قازاقستان»
الماتى
