ح.دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتى اتىراۋ وبلىستىق اكىمدىگىمەن بىرلەسىپ ۇيىمداستىرعان شارانىڭ ماقساتى- قازاق جازۋىن لاتىن الىپبيىنە كوشىرۋ ماسەلەسىن تالقىلاۋ, جاھاندانۋ مەن تسيفرلاندىرۋ جاعدايىندا مەملەكەتتىك ءتىلدى دامىتۋ.
قر مادەنيەت جانە سپورت مينيسترلىگى تىلدەردى دامىتۋ جانە قوعامدىق-ساياسي جۇمىستار كوميتەتىنىڭ توراعاسى قۋات بوراش اتقارىلىپ جاتقان شارالار جايىندا بايانداما جاسادى.
-لاتىن گرافيكاسىنا نەگىزدەلگەن قازاق ءالىپبيى جاسالدى. ەندى 2025 جىلعا دەيىن كەزەڭ كەزەڭمەن كوشۋ جوسپارلانىپ وتىر. ماۋسىم ايىنىڭ سوڭىندا ءالفاۆيتتىڭ تۇجىرىمداماسىن بەكىتىپ, قىركۇيەكتە ۇلتتىق كوميسسياعا ۇسىنامىز. سودان كەيىن لاتىن قارپىنە وقۋ-ادىستەمەلىك جاعىنان كوشۋ باستالادى-دەدى قۋات بوراش.
كونفەرەنتسياعا قاتىسقان اتىراۋ وبلىسىنىڭ اكىمى نۇرلان نوعاەۆ فيلولوگتار مەن ءتىل ماماندارىنىڭ الداعى جۇمىستارىنا تابىس تىلەدى.
-لاتىن قارپىنە كوشۋ ارقايسىمىز ءۇشىن ماڭىزدى, بۇل تاريحي وقيعا. بۇگىنگى شارا عالىمداردىڭ پىكىر الماسۋلارىنا, وسى تاقىرىپ بويىنشا تەوريالىق, تاجىريبەلىك ماسەلەلەردى شەشۋگە باعىتتالعان. لاتىن الىپبيىنە كوشۋ مەملەكەتتىك تىلىمىزگە دە وڭ ىقپال ەتەدى, قازاق ءتىلىنىڭ دامۋىنا سەپتىگىن تيگىزەدى, ونى زاماناۋي عىلىم مەن تەحنيكانىڭ تىلىنە اينالدىرادى. كونفەرەنتسيادا تالقىلانعان ماڭىزدى ماسەلەلەر بويىنشا قابىلدانعان شەشىمدەر ءتيىمدى بولارىنا سەنىم بىلدىرەمىن, -دەپ اتاپ ءوتتى نۇرلان نوعاەۆ.
