زاڭ جوباسىنىڭ ماقساتى زياتكەرلىك مەنشىك cالاسىنداعى زاڭنامانى ودان ءارى جەتىلدىرۋ, ونىڭ نىساندارىن تىركەۋ راسىمدەرىن وڭايلاتۋ, قۇقىقتىق ولقىلىقتاردى جويۋ, سونداي-اق زياتكەرلىك مەنشىكتى قورعاۋ سالاسىندا اكىمشىلىك كەدەرگىلەردى تۋىنداتاتىن ەرەجەلەردى الىپ تاستاۋ بولىپ تابىلادى.
زاڭ جوباسىمەن بىرقاتار زاڭدارعا وزگەرىستەر مەن تولىقتىرۋلار ەنگىزىلەدى.
قۇجاتپەن تاۋار بەلگىلەرىنە قۇقىقتار بۇزىلعان كەزدە زالالدى وتەۋدىڭ ورنىنا وتەماقى تولەۋ ينستيتۋتى ەنگىزىلەدى. قۇقىق يەلەنۋشىنىڭ قۇقىقتارى بۇزىلعان جاعدايلاردا, بۇزۋشىلىقتىڭ سيپاتىن, بىرتەكتەس تاۋارلاردىڭ نارىقتىق قۇنىن نەگىزگە الا وتىرىپ, ول زالالدى وتەۋدىڭ ورنىنا تالاپ ەتۋگە قۇقىلى وتەماقىنىڭ سوت بەلگىلەيتىن مولشەرىن ايقىنداۋ ۇسىنىلادى.
سونىمەن قاتار, زاڭ جوباسىمەن تاۋار بەلگىلەرىنە وتىنىمدەر ساراپتاما ۇيىمىنا كەلىپ تۇسكەن كەزدەن باستاپ ولاردى مىندەتتى تۇردە جاريالاۋ تۋرالى جاڭا ەرەجە ەنگىزىلەدى.
زاڭ جوباسى پالاتانىڭ قاراۋىنا جىبەرىلدى.
