بالىق رەسۋرستارىن قورعاۋ جانە بالىق اۋلاۋدى رەتتەۋ باسقارماسىنىڭ باسشىسى ارمان وتەپوۆ اۋقىمدى شارانىڭ قورتىندىسى تۋرالى باياندادى.
اكتسيا كەزىندە بالىق قورعاۋ زاڭناماسىن بۇزۋشىلارعا 13,3 ملن. تەڭگە سوماسىندا اكىمشىلىك ايىپپۇل سالىندى جانە بالىق رەسۋرستارىنا كەلتىرىلگەن زالال ءۇشىن سوتپەن 686 مىڭ تەڭگە تالاپ ەتىلدى. بالىق قورعاۋ قىزمەتكەرلەرىمەن 502 بالىق قورعاۋ زاڭناماسىنىڭ بۇزۋشىلىعى, قۇقىق قورعاۋ ورگاندارىمەن – 393 بۇزۋشىلىق, شەكارا قىزمەتكەرلەرىمەن – 195 بۇزۋشىلىق انىقتالدى.
سونىمەن قاتار, «اقجايىق» مەملەكەتتىك تابيعي رەزەرۆاتى جۇمىسشىلارىمەن ناۋقان ۋاقىتىندا ەرەكشە قورعالاتىن تابيعي اۋماقتاردىڭ جەكە تۇرلەرىندە 27 بۇزۋشىلىق انىقتالعان. بالىق قورعاۋ ينسپەكتورلارى سۋ تەحنيكاسىن, بالىق اۋلاۋ قۇرالدارىن جانە زاڭسىز ۇستالعان بالىقتاردى تاركىلەدى.
- قابىلدانعان ءىس-شارالارمەن بۇزۋشىلاردان 19 توننا 717 كگ بالىق, ونىڭ ىشىندە 3 توننا 799,1 كگ بەكىرە تۇقىمداس, 11 كگ 400 گر بەكىرە تۇرلەرىنىڭ ۋىلدىرىعى, 460 دانا اۋلاۋ قۇرالى جانە 63 دانا ءجۇزۋ, كولىك قۇرالدارى الىندى, -دەيدى اتىراۋ وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسىنىڭ باسشىسى دانيار بايماعامبەتوۆ.
ايتا كەتەيىك, بۇگىنگى تاڭدا جالپى ءليميتتى يگەرۋ 34% قۇرادى. بالىق رەسۋرستارىن پايدالانعانى ءۇشىن بالىق شارۋاشىلىعى سۋبەكتىلەرىنەن مەملەكەتتىڭ بيۋدجەتىنە 75 ملن تەڭگە ءوندىرىلدى.
