قىزىلوردا وبلىسىندا 5 الەۋمەتتىك باستامانى جۇزەگە اسىرۋعا تولىققاندى جۇمىستار جاسالىپ جاتىر. پارتيانىڭ وبلىستىق فيليالى توراعاسىنىڭ ءبىرىنشى ورىنباسارى يبادۋللا قۇتتىقوجاەۆ:
– پرەزيدەنتتىڭ بەس الەۋمەتتىك باستاماسىنىڭ جۇزەگە اسىرىلۋىن باقىلاۋ ءۇشىن رەسپۋبليكادان باستاپ, بارلىق وڭىرلەردە قوعامدىق كەڭەستەر قۇرىلدى. وڭىرلەردەگى كەڭەستەر قۇرامىنا ساياسي پارتيالاردىڭ ايماقتىق وكىلدەرى, ۇكىمەتتىك ەمەس ۇيىمدار مەن قازاقستان حالقى اسسامبلەياسى وكىلدەرى, بەلگىلى قوعام قايراتكەرلەرى, بەلسەندى ازاماتتار جانە ساراپشى ماماندار مۇشە بولدى. بۇل كەڭەستەر ەلباسى باستامالارىنىڭ ۋاقىتىلى ءارى ساپالى ورىندالۋىنا جالپىحالىقتىق باقىلاۋدى قامتاماسىز ەتىپ, قوعامدىق مونيتورينگ جۇرگىزىپ, ونى تۇراقتى باقىلايتىن بولادى. سونداي-اق, باعدارلامانىڭ ورىندالۋ بارىسى تۋرالى حالىققا اقپارات بەرىپ, قاجەتتى ءتۇسىندىرۋ جۇمىستارىن ۇيىمداستىرادى. ماسەلەلەردى انىقتاپ, ءتيىستى مەملەكەتتىك ورگاندارعا ولاردى شەشۋ جولدارىن ۇسىناتىن بولادى, – دەيدى.
