ەلىمىزدە تۇڭعىش رەت بۇقارالىق سپورتتى دامىتۋ بويىنشا قولعا الىنىپ وتىرعان جوبانىڭ اشىلۋ سالتاناتىنا پارلامەنت سەناتىنىڭ حالىقارالىق قاتىناستار, قورعانىس جانە قاۋىپسىزدىك كوميتەتىنىڭ ءتورايىمى داريعا نازارباەۆا, ءدىن ىستەرى جانە ازاماتتىق قوعام ءمينيسترى دارحان كالەتاەۆ, اقمولا وبلىسىنىڭ əكىمى مəلىك مىرزالين, وبلىستىق ىرىكتەۋ كەزەڭدەرىنىڭ جەڭىمپازدارى مەن جاستار ۇيىمىنىڭ وكىلدەرى جانە بىرقاتار تانىمال سپورتشىلار قاتىسىپ, قاتىسۋشىلارعا ساتتىلىك تىلەدى.
«بۇگىن «بالداۋرەندە» ىرىكتەۋ كەزەڭنىڭ جەڭىمپازدارى جينالىپ وتىر. ارقايسىڭىز ءوز ءوڭىرىڭىزدىڭ ۇزدىگىسىزدەر. سپارتاكياداعا ەلىمىزدىڭ 800 مەكتەبى قاتىستى, ەندى سىزدەر ءوز مەكتەپتەرىڭىزدىڭ, ايماقتارىڭىزدىڭ نامىسىن قورعاۋعا كەلدىڭىزدەر. ويىندار تارتىستى بولارىنا سەنەمىن. سپورت بۇل – كۇش, فيزيكالىق دايىندىق, دەنساۋلىق, جانە ەڭ باستىسى, جەڭىسكە دەگەن ۇمتىلىس. قارسىلاستى عانا ەمەس, ءوز-ءوزىڭدى جەڭە ءبىلۋ ونەرى. سپورت رۋحى بيىك, مىقتى تۇلعا بولۋعا جىگەرلەندىرەدى. ال ءبىزدىڭ ەلىمىزگە مۇنداي تۇلعالار قاجەت. قازاقستاننىڭ بولاشاعى سىزدەردىڭ قولدارىڭىزدا. سوندىقتان ءبىلىمدى دە, سالاماتتى ءومىر سالتىن دا مەڭگەرگەن جان-جاقتى ازامات بولۋلارىڭىز كەرەك», دەدى داريعا نازارباەۆا.
جوباعا بارلىعى 6000 وقۋشى قاتىسقان. ولاردىڭ 528-ءى «بالداۋرەندە» باق سىناۋدا. «SportFEST Kazakhstan» – «كوممۋنيكاتيۆتىك باستامالار مەن ستراتەگيالار» جەكە قورى مەن «Samruk-Kazyna Trust» الەۋمەتتىك جوبالاردى دامىتۋ قورىنىڭ العاشقى سپورتتىق جوباسى.
«2017 جىلدىڭ كۇزىندە باستاۋ العان «SportFEST Kazakhstan» جوباسى بۇقارالىق سپورت پەن سالاماتتى ءومىر سالتىن ناسيحاتتاۋعا باعىتتالعان. فينالدىق سايىستى وسىنشالىقتى اۋقىمدى ەتۋىمىزدىڭ سەبەبى دە جاستاردىڭ سپورتقا دەگەن قىزىعۋشىلىعىن ارتتىرۋ مەن ولاردىڭ كوشباسشىلىققا, جەڭىسكە دەگەن ىنتاسىن وياتۋ», دەيدى «كوممۋنيكاتيۆتىك باستامالار مەن ستراتەگيالار» جەكە قورىنىڭ باس ديرەكتورى ايبەك قازىعۇلوۆ.
سونداي-اق داريعا نازارباەۆا «SportFEST Kazakhstan» جوباسىن ەندى جىل سايىن ءداستۇرلى تۇردە ۇيىمداستىرۋ كەرەك دەگەن ۇسىنىس ءبىلدىردى. «SportFESت Kazakhstan» جوباسىنىڭ نەگىزگى ماقساتى – مەكتەپ وقۋشىلارىنىڭ سپورتقا دەگەن ىنتاسىن ارتتىرۋ. ياعني دەنە شىنىقتىرۋدى ءومىرىمىزدىڭ اجىراماس بولىگى رەتىندە قالىپتاستىرۋ. وسى ورايدا, «SportFEST Kazakhstan» جوباسىن ۇيىمداستىرۋدى جىل سايىن داستۇرگە اينالدىرۋ كەرەك», دەپ اتاپ ءوتتى داريعا نۇرسۇلتانقىزى.
«SportFEST Kazakhstan» رەسپۋبليكالىق سپارتاكياداسىنىڭ فينالدىق كەزەڭىنە ايماقتىق ىرىكتەۋ ويىندارىنان وتكەن 8-10 سىنىپ وقۋشىلارى قاتىسىپ جاتىر.
ءالي بيتورە,
«ەگەمەن قازاقستان»
اقمولا وبلىسى
