مەموراندۋمنىڭ باستى ماقساتى بىرلەسىپ جۇمىس ىستەۋگە بەكىنگەن تاراپتار پارتيانىڭ «بالالارعا ارنالعان تەگىن ءىت سىنىپتارى» اتتى جاڭا جوباسىن جۇزەگە اسىرۋ, «تسيفرلى قازاقستان» باعدارلاماسىن جۇزەگە اسىرۋدا بۇقارا حالىقتىڭ تسيفرلى ساۋاتتىلىعىن ارتتىرۋ, سونداي اق «كاسىبي مامانداردى دايىندايتىن ءىت ورتالىقتار» پارتيالىق جوباسىن جۇزەگە اسىرۋ بولىپ تابىلادى.
پارتيانىڭ وبلىستىق فيليالى توراعاسىنىڭ ءبىرىنشى ورىنباسارى عالىم بەكماعامبەتوۆ مەموراندۋمعا قول قويۋ شاراسىندا «نۇر وتان» پارتياسىنىڭ جاڭا جوبالارىن جۇزەگە اسىرۋ بارىسىندا اقمولا وبلىسىندا ەكى ءىت ورتالىق پەن 28 ءىت سىنىپ اشىلادى دەدى. «الەمدىك تاجىريبەگە سۇيەنسەك ءىت ماماندارى 4-5 جىل ارنايى ءبىلىم الماي-اق تەگىن كۋرستاردى اياقتاپ, ءوز سالاسىنىڭ بىلىكتى مامانى اتانىپ ءجۇر. سوندىقتان ءىت تەحنولوگيا مەن روبوت-تەحنيكا – جارقىن بولاشاقتىڭ كەپىلى. سوندىقتان جاستاردىڭ وسى سالادا جان-جاقتى ءبىلىم الۋىنىڭ ماڭىزى زور. پارتيا بۇل باعىتتا ءتيىستى قولداۋ كورسەتەدى. بۇگىندە وبلىس الدىڭعىلاردىڭ ءبىرى بولىپ ءىت سىنىپتارى مەن ءىت ورتالىقتارىن اشۋدى باستاپ كەتتى», دەدى ول.
سالتاناتتى شارادا «نۇر وتان» پارتياسى وبلىستىق فيليالى مەن وبلىستىق ءبىلىم باسقارماسى, وبلىستىق كاسىپكەرلەر پالاتاسى, وبلىستىق مادەنيەت باسقارماسى مەن ا.مىرزاحمەتوۆ اتىنداعى كوكشەتاۋ ۋنيۆەرسيتەتى اراسىندا مەموراندۋمعا قول قويىلدى.
وبلىستا بۇگىندە مالىك عابدۋللين اتىنداعى №3 مەكتەپ-گيمنازياسىنىڭ بازاسىندا ءىت سىنىبى اشىلىپ, جۇمىس ىستەۋدە. بۇل جەردە وقۋشىلار روبوت-تەحنيكا, 3D مودەلدەۋ باعدارلامالارىن ۇيرەنۋدە. سونىمەن قاتار ءىت ماماندارىن ا.مىرزاحمەتوۆ اتىنداعى كوكشەتاۋ ۋنيۆەرسيتەتىنىڭ قابىرعاسىندا دايىندايتىن بولادى. جۋىردا ۋنيۆەرسيتەت قابىرعاسىندا باعدارلامالاۋدىڭ زاماناۋي ءتىلىن ۇيرەتەتىن العاشقى ءىت ورتالىق اشىلدى.
«ەگەمەن-اقپارات»
