اۋداندىق ورتالىقتاندىرىلعان كىتاپحانادا پايدالانۋعا بەرىلگەن كوۆوركينگ ورتالىعى قاجەتتى ورگتەحنيكالارمەن تولىق جابدىقتالعان. مۇندا جاستار مەن بالالاردىڭ بوس ۋاقىتتارىن مازمۇندى وتكىزۋگە جان-جاقتى مۇمكىندىكتەر تۋدىرىلعان. قىزىقتى ءىس-شارالار سپورت, مادەني, تاعى باسقا سالالاردا ۇيىمداستىرىلىپ, قىزمەتتەر تەگىن كورسەتىلەتىن بولادى. «رۋحاني جاڭعىرۋ» باعدارلاماسى شەڭبەرىندە دە اۋقىمدى جۇمىستار اتقارۋ بەلگىلەنگەن.
ونىڭ اشىلۋ سالتاناتىنا «نۇر وتان» پارتياسى اۋداندىق فيليالىنىڭ توراعاسى, اۋدان اكىمى مەدەت وسپانوۆ, وبلىستىق ساياسي ۇيىمنىڭ پارتيالىق باقىلاۋ ينسپەكتورى الەكساندر بودۋنوۆسكي, اۋداندىق كاسىپكەرلەر پالاتاسىنىڭ ديرەكتورى باتىرحان احمەتوۆ قاتىستى. ولاردىڭ ايتۋلارىنشا جاستاردىڭ شىعارماشىلىق جانە عىلىمي الەۋەتىن ىسكە اسىرۋعا بارلىق العىشارتتار جاسالعان.
«نۇر وتان پارتياسى توراعاسىنىڭ پارتيالىق جاڭعىرتۋ تاپسىرمالارى اياسىندا پايدالانۋعا بەرىلگەن زاماناۋي ورتالىقتا جاستار وزدەرىنىڭ شىعارماشىلىق ويلارىن جۇزەگە اسىرۋمەن قاتار ءتۇرلى فورماتتا كەزدەسۋلەر, سەمينارلار, كونفەرەنتسيالار وتكىزە الادى. وزىق يدەيالار ورتاعا سالىنىپ, قوعامنىڭ ماڭىزدى ماسەلەلەرى كەڭىنەن تالقىلانادى. جاس ۇرپاقتى قولداۋعا ارنالعان جوبانىڭ ومىرشەڭدىگى زور. مەكتەپ وقۋشىلارى دا وسىندا ءوز بىلىمدەرىن جەتىلدىرىپ, تەلەديدار ارقىلى مۋلتفيلمدەر كورۋلەرىنە, عالامتوردان ىزدەگەندەرىن تابۋىنا بولادى, دەدى ءوز سوزىندە اۋدان اكىمى م. وسپانوۆ.
بۇگىندە وڭىردە 10 كوۆوركينگ ورتالىعى جۇمىس ىستەيدى. الداعى ۋاقىتتا ءار اۋدان ورتالىعىندا قۇرىلاتىن بولادى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى,
ءۋاليحانوۆ اۋدانى
