ايماق باسشىسىنىڭ ءبىرىنشى ورىنباسارى ايداربەك ساپاروۆ ءوز سوزىندە ۇرداجىق ساياسات پەن قولدان جاسالعان اشارشىلىقتىڭ سالدارىنان تەرىسەيدە دە مىڭداعان ارىستار مەن اپتال ازاماتتار اياۋسىز قورلىق, بەينەت كورگەنىن, تەك تاۋەلسىزدىك العاننان كەيىن عانا اششى شىندىق ايتىلا باستاعانىن جەتكىزدى.
بۇل ورايدا وبلىستىڭ قۇرمەتتى ازاماتى, قادىرمەندى اقساقال بولات ساعىندىقوۆ جەتەكشىلىك ەتەتىن «پاميات» قوعامدىق قورى ءبىرتالاي ىستەر تىندىرعانىن اتاي كەتكەن ءجون. قۋعىن-سۇرگىن قۇرباندارىنىڭ قۇرمەتىنە مەموريالدىق كەشەن ورناتىلىپ, 7600-دەن استام جەرلەسىمىزدىڭ ەسىمدەرى تاسقا قاشاپ جازىلعان. 8 مىڭعا جۋىق ادام ەش جازىقسىز جازالانسا, 1650-ءى اتۋ جازاسىنا كەسىلگەن.
–جۋىردا قارالى ءتىزىم تاعى دا 8 ادامعا تولىقتى. ناقتى دەرەكتى انىقتاۋ مۇمكىن ەمەس. زۇلماتتى جىلدار قاسىرەتىن بۇگىنگى ۇرپاق سەزىنىپ وسەتىندەي جۇمىستار جۇيەلى جۇرگىزىلۋى ءتيىس», دەيدى ۇيىم توراعاسى.
قوعامدىق قوردىڭ قۋعىن-سۇرگىن قۇرباندارى جايلى جان-جاقتى ماعلۇماتتار ورنالاسقان مۇراجاي اشۋ تۋرالى ۇسىنىسى وبلىستىق اكىمدىك تاراپىنان قولداۋ تاۋىپ وتىر. سول سياقتى مەموريالدىق كەشەندى ءوڭىرىمىزدىڭ كيەلى ورىندار قاتارىنا ەنگىزۋ مىندەتى تۇر. مۇنىمەن قوسا اۋىلدىق جەرلەردە ەسكەرتكىشتەر ورناتۋ شارالارى جالعاسىن تاباتىن بولادى. مامليۋت اۋدانى بوستاندىق اۋىلىندا ارنايى ەسكەرتكىش تۇرعىزىلدى.
ءومىر ەسقالي,
«ەگەمەن قازاقستان».
سولتۇستىك قازاقستان وبلىسى.
