سۋرەتتى تۇسىرگەن ايان سابىر
ە. پەرمياكوۆتىڭ بالالارعا ارنالعان شىعارماسى نەگىزىندە جازىلعان «وتپەن ويناما!» اتتى ەرتەگىسى كورسەتىلدى. تەاتر رەجيسسەرى ادىلەت اقانوۆتىڭ ايتۋىنشا, تەاتردا بالالارعا ارنالعان بىرنەشە قويىلىم بار. وتپەن ويناما تاقىرىبى-وزەكتى. ماقسات-وت پەن سۋدىڭ قانشالىقتى قاۋىپتى ەكەنىن ساحاندان كورسەتىپ كىشكەنتايلارعا وي سالۋ. ەرتەگى ارقىلى كورسەتىپ ءورتتىڭ قاۋىپتى ەكەنىن تۇسىندىرەدى.
ەرتەگى باستالماس بۇرىن بالالار تەاتر فويەسىندەگى وبلىستىق توتەنشە جاعدايلار جونىندەگى دەپارتامەنتى ارنايى دايىنداعان كورمەمەن تانىسادى. كورمەدە ء ورت ءسوندىرۋ تەحنيكالارى, قۇرال-جابدىقتارى مەن كيىمدەرى قويىلعان. ماماندار ءار بالانى كورمەگە قويىلعان زاتتارمەن تانىستىرىپ, ولارعا ورتتەن ساقتانۋدىڭ ەرەجەلەرى جازىلعان پاراقشالاردى ۇلەستىرەدى.
-جالپى, جاز مەزگىلىندە ءورت قاۋپى ءجيى كەزدەسەدى. وسىعان وراي ءبىز وبلىستىق ج.ايماۋىتوۆ اتىنداعى, ا.چەحوۆ دراما تەاترلارىمەن بىرلەسىپ, بالالارعا ارنالعان ەرتەگىلەردى قويۋدى قولعا الدىق.ماقسات ءورت قاۋىپىنەن ساق بولۋعا, سىرىڭكە ءتارىزدى وت تۇتاندىراتىن زاتتارعا جولاماۋعا, اتا-انالاردى بالالارىن جالعىز قالدىرماۋعا شاقىرۋ. بيىل وڭىردە بالالاردىڭ قاتىسۋىمەن ورتكە قاتىستى 3 وقيعا تىركەلدى, - دەيدى ءورت قاۋىپسىزدىگىن باقىلاۋ جانە الدىن الۋ باسقارماسى باستىعىنىڭ ورىنباسارى قايىرگەلدى ءالىمحان.
ال «وتپەن ويناما!» قويىلىمىنداعى رولدەردە ەركەجان تولەۋبەك, قوبىلاندى بولات, نۇرسەرىك كەڭەسباەۆ, ايگەرىم سۇلەيمەنوۆا جانە تەاتردىڭ باسقا ارتىستەرى وينايدى. ەرتەگى ماۋسىم ايىندا دا جالعاسادى.
فاريدا بىقاي,
«ەگەمەن قازاقستان»
پاۆلودار
