«قازاقستان رەسپۋبليكاسى دەنساۋلىق ساقتاۋ مينيسترلىگى ازاماتتاردى الەۋمەتتىك جەلىلەردەگى كۇماندى مالىمەتتەرگە سەنبەۋگە شاقىرادى», -دەپ اتاپ وتىلگەن دەنساۋلىق ساقتاۋ مينيسترلىگى قوعامدىق دەنساۋلىق ساقتاۋ كوميتەتىنىڭ Facebook پاراقشاسىنداعى ۆيدەومالىمدەمەدە.
سونداي-اق, قازاقستاننىڭ باس سانيتارلىق دارىگەرى جانداربەك بەكشين WhatsApp-تا جاريالانعان حابارلاماعا تۇسىنىكتەمە بەرگەن.
«WhatsApp پايدالانۋشىلار اراسىندا ءبىر ايەلدىڭ ۇرەيلى داۋىسپەن مەكتەپكە دەيىنگى مەكەمەلەرگە باراتىن بالالارعا مەنينگيتكە قارسى انتيبيوتيكپەن ەمدەۋدى وتكىزگە شاقىرعان. بىراق ول ءوز ەسىمىن, سونداي-اق قانداي ۇيىمنىڭ اتىنان مالىمدەمە جاساعانىن ايتپايدى. دەنساۋلىق ساقتاۋ مينيسترلىگى بۇل اقپاراتتى راستامايدى جانە سىزدەردى الەۋمەتتىك جەلىلەردەگى شىندىققا جاناسپايتىن مالىمەتتەرگە سەنبەۋگە, تەك دەنساۋلىق ساقتاۋ مينيسترىگىنىڭ رەسمي اقپاراتىن پايدالانۋعا شاقىرادى»,-دەدى ج.بەكشين.
سونىمەن قاتار ول قازاقستاندا جىل سايىن مەنينگيتكە بايلانىستى 62-دەن 424 وقيعا, كەي جىلدارى 21 وقيعا تىركەلەتىندىگىن اتاپ ءوتتى. بۇل دەرتتىڭ الدىن الۋ جولدارىن تاعى ءبىر ەسكە سالدى.
قازاقستاندا رەسمي دەرەكتەر بويىنشا,مەنينگيتتەن 9 ادامنىڭ كوز جۇمعانى تىركەلگەن. سوڭعى وقيعا الماتىدا 2 ماۋسىمعا قاراعان ءتۇنى بولدى. مەنينگوكوكك جۇقپاسىنان 5 جاسار ءبۇلدىرشىن قايتىس بولدى.
