بۇگىنگى تاڭدا قازاقستاندىقتاردى ساپالى شەتەلدىك بىلىممەن قامتاماسىز ەتۋ ماقساتىندا حالىقارالىق ءبىلىم بەرۋ باعدارلامالارىنىڭ اكىمشىسى بولىپ تابىلاتىن «حالىقارالىق باعدارلامالار ورتالىعى» اق ءبىلىم بەرۋ گرانتتارىن ارتتىرۋ بويىنشا جۇمىستار جۇرگىزىپ جاتىر. ناتيجەسىندە بيىلعى جىلى قازاقستان ازاماتتارى ءۇشىن شەت ەلدىك وقۋ ورىندارىمەن 10 مىڭنان استام گرانت ءبولىندى, ونىڭ ىشىندە ليتۆا رەسپۋبليكاسىنىڭ (بۇدان ءارى - ليتۆا) ۇلەسى ءبىرشاما», -دەلىنگەن حابارلامادا.
200-دەن استام تولىق جانە جارتىلاي گرانتتار ۇسىنىپ وتىرعان ليتۆا ۋنيۆەرسيتەتتەرى قازاقستان ازاماتتارىنا تەك اعىلشىن تىلىندە عانا ەمەس, سونىمەن قاتار ورىس تىلىندە دە وقىتىلاتىن باكالاۆريات جانە ماگيستراتۋرا باعدارلامالارىنا ەمتيحانسىز تۇسۋگە مۇمكىندىك بەرەدى. (ليتۆانىڭ جوعارى وقۋ ورىندارىنا تۇسەتىن ادامدار سانىنا قاراي گرانتتار سانى ارتۋى مۇمكىن).
ايتا كەتەتىن جايت, گرانت ۇتىپ العان ستۋدەنتتەر اراسىندا الەۋمەتتىك جاعدايى تومەن ستۋدەنتتەرگە اي سايىن ستيپەنديا الۋعا مۇمكىندىك بەرىلەدى. بيىلعى جىلدىڭ ماۋسىم ايىندا ليتۆانىڭ جوعارى وقۋ ورىندارىنىڭ وكىلدەرى وڭتۇستىك قازاقستان وبلىسىنىڭ مەكتەپ جانە ۋنيۆەرسيتەت تۇلەكتەرى اراسىندا اقپاراتتىق كەزدەسۋلەر وتكىزەدى دەپ جوسپارلانۋدا, بۇل كەزدەسۋلەر اياسىندا ۇمىتكەرلەر ليتۆا ۋنيۆەرسيتەتتەرىنە ءتۇسۋ ءۇشىن قۇجاتتاردى تاپسىرا الادى.
قازاقستاننىڭ باسقا قالالارى مەن ايماقتارىنداعى ۇمىتكەرلەر ءوز قۇجاتتارىن ليتۆانىڭ جوعارى وقۋ ورىندارىنىڭ رەسمي سايتتارىنا اعىمداعى جىلدىڭ 1 ماۋسىمىنان باستاپ جولداي الاتىن بولادى. ليتۆا ۋنيۆەرسيتەتتەرىنىڭ وكىلدەرىمەن كەزدەسۋلەر 11 ماۋسىمدا شىمكەنت قالاسىندا, 12 ماۋسىمدا جەتىساي جانە سارىاعاش قالالارىندا, ال 13 ماۋسىمدا تۇركىستان قالاسىندا وتكىزىلەدى.
