«قازگيدرومەت» رمك-ءسى تاراتقان اقپاراتتار بويىنشا, ەلدىڭ باسىم بولىگىندە جاۋىن جاۋىپ, كۇن كۇركىرەيدى. جەل كۇشەيىپ, شاڭدى داۋىل تۇرادى. تۇمان ءتۇسىپ, بۇرشاق جاۋى دا ىقتيمال. تەك ەلدىڭ وڭتۇستىك-شىعىسىندا, شىعىسىندا جانە باتىسىندا عانا كۇن اشىق بولادى.
جامبىل وبلىسىنىڭ باسىم بولىگىندە جەل كۇشەيىپ, جىلدامدىعى سەكۋندىنا 15-20 مەتردى ۇدەيدى, ەكپىنى 23-28 مەتر بولادى. كۇندىز وبلىستىڭ وڭتۇستىك-باتىسىندا جىلدامدىعى سەكۋندىنا 30 مەتر جانە ودان دا كۇشتى جەل سوعادى. جەكەلەگەن اۋدانداردا بۇرشاق جاۋى دا ىقتيمال. قىزىلوردا وبلىسىندا تۇندە كەي جەرلەردە جەل كۇشەيىپ, سەكۋندىنا 15-20 مەتر جىلدامدىقپەن ۇيتقيدى, ەكپىنى 23-28 مەتر بولادى. كۇندىز ءوڭىردىڭ باسىم بولىگىندە 15-20 مەتر جىلدامدىقپەن جەل سوعىپ, كەي جەرلەردە ول 23-28 مەترگە دەيىن كۇشەيەدى. جەكەلەگەن اۋدانداردا شاڭدى داۋىل كوتەرىلىپ, بۇرشاق جاۋى مۇمكىن.
وڭتۇستىك قازاقستان وبلىسىندا تۇندە جەلدىڭ جىلدامدىعى سەكۋندىنا 15-20 مەترگە جەتىپ, كۇندىز وبلىستىڭ باسىم بولىگىندە 15-20 مەتر, ال ەكپىنى 23-28 مەتر بولادى. مۇندا دا جەكەلەگەن اۋدانداردا شاڭدى داۋىل كوتەرىلىپ, كۇندىز بۇرشاق جاۋى ىقتيمال.
سولتۇستىك قازاقستان, قوستاناي وبلىستارىندا تۇندە جەل كۇشەيىپ, جىلدامدىعى 15-20 مەتر بولادى. كەي جەرلەردە ول ءتىپتى 23-28 مەترگە دەيىن كۇشەيەدى. جەكلەگەن اۋدانداردا تۇمان ءتۇسىپ, بۇرشاق جاۋى ىقتيمال.
اقمولا, پاۆلودار وبلىستارىندا تۇندە جەلدىڭ جىلدامدىعى سەكۋندىنا 15-20 مەتر بولادى, كۇندىز باسىم بولىگىندە 15-20, ەكپىنى 23-28 گرادۋس بولادى. اقمولا وبلىسىنىڭ كەي جەرلەرىنە بۇرشاق ءتۇسۋى مۇمكىن. قاراعاندى وبلىسىندا تۇندە كەي جەرلەردە جەلدىڭ جىلدامدىعى سەكۋندىنا 15-20 مەتر, كۇندىز باسىم بولىگىندە 17-22 مەتر بولىپ, ەكپىنى 28 مەترگە جەتەدى. جەكەلەگەن اۋدانداردا بۇرشاق جاۋى ىقتيمال.
اقتوبە وبلىسىندا تۇندە كەي جەرلەردە, كۇندىز باسىم بولىگىندە جەلدىڭ جىلدامدىعى سەكۋندىنا 15-20 مەتر بولادى.
شىعىس قازاقستان, ماڭعىستاۋ, كۇندىز اتىراۋ, باتىس قازاقستان وبلىستارىندا جەل سەكۋندىنا 15-20 مەترگە دەيىن كۇشەيەدى.
باتىس قازاقستان وبلىسىندا تۇندە كەي جەرلەردە -2 گرادۋسقا دەيىن ۇسىك جۇرەدى.
ماڭعىستاۋ وبلىسىندا, سونداي-اق قىزىلوردا, جامبىل, الماتى وبلىستارىنىڭ كەي جەرلەرىندە ءورت قاۋپى تۋىندايدى.
