وبلىس جانە قالا اكىمدەرىنىڭ ۇندەۋىندە قازاقستاننىڭ ءۇشىنشى مەگاپوليسى اتانعانى تاريحي ماڭىزدى وقيعا رەتىندە اتالىپ وتىلگەن.
«جۋىردا مەملەكەت باسشىسى ءوز سوزىندە «قازاقستان اگلومەراتسيانى دامىتۋ ستراتەگياسىن جۇزەگە اسىرۋدى باستادى. ەگەر بىزدە بۇعان دەيىن ميلليون تۇرعىنى بار تەك الماتى قالاسى بولسا, قازىر ءۇش مەگاپوليسىمىز بار - الماتى, استانا جانە شىمكەنت قالالارى. ميلليوندى قالا - بۇل ءاردايىم جاڭا يدەيالار, جوبالار مەن جوسپارلار, اۋقىمدى ينۆەستيتسيالار. بارلىعى قالانىڭ دامۋىنا جاڭا سەرپىن بەرەدى. شىمكەنت بۇل مارتەبەلى دەڭگەيگە عاسىرلار بويى جەتتى. ءبىزدى الدا ۇلكەن وزگەرىستەر كۇتىپ تۇر. ەڭ باستىسى - بۇل جاڭالىق شىمكەنت قالاسىن ودان ءارى دامىتۋعا جاڭا مۇمكىندىكتەر تۋعىزىپ, ءاربىر قالالىقتىڭ ومىرىنە جاڭا سەرپىن بەرەدى, وڭ اسەرىن تيگىزەدى دەپ سەنەمىز. بۇل - سونىمەن قاتار, ءبىز ءۇشىن اسقان جاۋاپكەرشىلىك. استانادا وتكەن «بولاشاق» حالىقارالىق ستيپەندياسىنىڭ مەرەيتويلى فورۋمىندا ەلباسى بولاشاق ميلليوندى-قالالاردىڭ قولىندا دەگەن بولاتىن. مەملەكەت باسشىسى مۇنداي قالالار تۇرعىندار ءۇشىن قولايلى, قاۋىپسىز, تۇرعىن ءۇي-كوممۋنالدى شارۋاشىلىعى جاڭارتىلعان جانە مادەنيەتى جوعارى بولۋى ءتيىس دەپ كورسەتتى. شىمكەنت سونداي قالاعا اينالادى دەپ سەنەمىز. سەبەبى ءبىزدىڭ قالامىزدا قوناقجاي, قايىرىمدى, ەڭ باستىسى, ەڭبەكقور حالىق تۇرادى. ءبىز ءبارىمىز بىرگە شىمكەنتتى ەلباسى كۇتكەندەي «اقىلدى», «جاسىل» ءارى قاۋىپسىز قالاعا اينالدىرامىز دەپ سەنەمىز. شىمكەنت جاڭا يدەيالار حالقىمىزدىڭ داستۇرىمەن قاتار دامىپ, وتكەنىن ۇمىتپايتىن, سونىمەن قوسا جاڭا تەحنولوگيالارعا ۇمتىلاتىن تۇرعىندار قالاسىنا اينالادى. شىمكەنت قالاسىنىڭ بارلىق تۇرعىنىن وسىناۋ تاريحي ساتپەن قۇتتىقتايمىز! بارشاڭىزعا باقىت پەن مولشىلىق تىلەيمىز!»,- دەدى وڭتۇستىك قازاقستان وبلىسىنىڭ اكىمى جانسەيىت تۇيمەباەۆ پەن قالا اكىمى نۇرلان ساۋرانباەۆ.
