«مەملەكەت باسشىسىنىڭ تاپسىرماسى بويىنشا اقپارات جانە كوممۋنيكاتسيالار مينيسترلىگى «تسيفرلىق قازاقستان» مەمباعدارلاماسىن ازىرلەدى. باعدارلاما بەس نەگىزگى باعىتتان تۇرادى: ەكونميكا سالالارىن تسيفرلاندىرۋ; تسيفرلىق مەملەكەتكە كوشۋ; تسيفرلىق جىبەك جولىن جۇزەگە اسىرۋ; ادامي كاپيتالدى دامىتۋ; يننوۆاتسيالىق ەكوجۇيەنى قۇرۋ. جالپى العاندا, جۇزەگە اسىرىلاتىن جوبالاردىڭ تولىق ەكونوميكالىق اسەرى 2025 جىلى 2 ترلن تەڭگەگە جۋىق قۇرايدى دەگەن بولجام بار. مەملەكەتتىك باعدارلامانى ىسكە اسىرۋ ماقساتىندا قر پرەزيدەنتىنىڭ جانىنان تسيفرلاندىرۋدى ەنگىزۋ ماسەلەسى جونىندەگى كوميسسيا قۇرىلدى. كوميسسيانىڭ العاشقى وتىرىسىندا باعدارلاماعا بايلانىستى مەملەكەتتىك ورگانداردىڭ ءۇش ايدا اتقارعان جۇمىسى قاراستىرىلدى. اتاپ ايتقاندا, باعدارلامانىڭ جۇزەگە اسۋىن قاداعالاۋ وسى كوميسسيانىڭ قۇزىرىندا», - دەپ توقتالدى مينيستر.
سونىمەن قاتار, تسيفرلاندىرۋ كەڭسەلەرى دە قۇرىلدى. قازىرگى ۋاقىتتا مينيسترلىكتەر مەن اكىمدىكتەردە جالپى سانى 36 كەڭسە ورنالاسقان. وسىلارعا ۇقساس كەڭسەلەر كۆازيمەملەكەتتىك سەكتور كومپانيالارىندا دا بار.
«قازىر ءبىز اتقارىلعان جۇمىستاردىڭ العاشقى ناتيجەلەرىن كورە باستادىق. مىسالى, ەلەكتروندىق ساۋدانى دامىتۋعا ىنتالاندىراتىن جانە ەلەكتروندىق ساۋدا سۋبەكتىلەرىنىڭ سانىن ارتتىراتىن وزگەرتۋلەر سالىق كودەكسىنە ەنگىزىلدى. وتاندىق اقپاراتتىق تەحنولوگيا سالاسىن دامىتۋ ماقساتىندا ارنايى جول كارتاسى بەكىتىلدى. ەلىمىزدەگى تسيفرلاندىرۋدىڭ ساراپتامالىق باعاسىن بەرۋ ۇسىنىستارىن ازىرلەۋ ءۇشىن حالىقارالىق ساراپشىلار كەڭەسى قۇرىلدى. وتاندىق ءىت-نارىقپەن جوسپارلى جۇمىس جۇرگىزىلەدى. ءار توقسان سايىن ءىت-كومپانيا وكىلدەرىمەن كەزدەسۋلەر ءوتىپ تۇرادى», -دەپ ناقتىلادى داۋرەن اباەۆ. ونىڭ سوزىنە قاراعاندا, «تسيفرلىق قازاقستان» مەمباعدارلاماسى بويىنشا جۇزەگە اسقان ناتيجەلەر بار. ولار - ەلەكتروندىق كوممەرتسيا جانە قولما قول اقشاسىز تولەمدەر. «قازپوشتا» اق استانا مەن الماتى قالالارىندا مامانداندىرىلعان ەلەكتروندى كوممەرتسيا ورتالىقتارىن اشۋى. بۇل - جەتكىزۋ مەرزىمىن قىسقارتۋ مەن تاۋارلاردى جەڭىلدەتۋ قىزمەتتەرىن جەتىلدىرۋ ارقىلى ينتەرنەت ساۋدانى دامىتۋعا ىقپال ەتەدى. مەملەكەتتىك قىزمەتتەردى ەلەكتروندىق فورماتقا اۋىستىرۋ اياسىندا اكىمشىلىك كەدەرگىلەر مەن قاعاز قۇجات اينالىمىن جويۋعا كومەكتەسەتىن تاسىلدەر قابىلداندى. بۇدان بولەك, مينيستر جىل سوڭىنا دەيىن بارلىق وبلىس ورتالىقتارىندا تسيفرلىق حالىققا قىزمەت كورسەتۋ ورتالىقتارى اشۋ جوسپاردا بار ەكەنىن جەتكىزدى.
«2018 جىلدىڭ قاڭتار ايىنان باستاپ قازاقستاندا ەلەكتروندى ەڭبەك بيرجاسى ونەركاسىپتىك قولدانىسقا ەنگىزىلدى. بۇل مەملەكەتتىك سەكتور جۇيەلەرىنە كىرۋ رۇقساتىن اشۋدىڭ كومەگىمەن ىسكە اسقان العاشقى جوبا. قازىر 38 مىڭ جۇمىس بەرۋشى, 45 ەڭبەكپەن قامتۋ اگەنتتىكتەرى, 5 بۇقارالىق اقپارات قۇرالدارى مەن 5 ونلاين الاڭ جۇمىس ىستەپ تۇر. ەڭ باستىسى, ەلەكتروندى بيرجا ازاماتتاردىڭ جۇمىسقا ورنالاسۋ ءۇردىسىن جىلدامداتادى. بۇگىندە ەلەكتروندى بيرجادا 32 مىڭنان استام بوس جۇمىس ورنى, 69 مىڭنان استام رەزيۋمە بار, 75 مىڭعا جۋىق ازامات تۇراقتى جۇمىسقا ورنالاسقان», - دەپ ءتۇيدى اباەۆ.
