بۇل شاراعا رەسپۋبليكالىق دوستىق ءۇيىنىڭ وكىلدەرى, ەلىمىزدەگى ءتۇرلى ەتنومادەني بىرلەستىكتەرىنىڭ جەتەكشىلەرى, «كەمەل» اسكەري-پاتريوتتىق قوزعالىسىنىڭ بەلسەندىلەرى جانە وسى قالادا ورنالاسقان باسقا دا ۇيىمداردىڭ مۇشەلەرى قاتىستى. كامىلەت جاسقا تولماعان بالالاردىڭ بەيىمدەلۋ ورتالىعى تاربيەلەنۋشىلەرىن وسى مەرەيلى كۇنمەن قۇتتىقتاعان ولار وتان مەن پاتريوتتىق تاربيە, بەيبىتشىلىك پەن تۇراقتىلىق, حالىقتار دوستىعى مەن ىنتىماقتاستىعى, بىرلىك پەن تاتۋلىق, عىلىم مەن ءبىلىم, سپورت پەن سالاۋاتتى ءومىر سالتى تاقىرىبى توڭىرەگىندە تارتىمدى اڭگىمەلەردىڭ تيەگىن اعىتتى.
شارا سوڭىندا جوعارىدا اتالعان ۇيىم وكىلدەرى اتالمىش ورتالىققا ءتۇرلى سىلىقتار تارتۋ ەتىپ, جەكپە-جەك شەبەرلەرى ءوز ونەرلەرىن ورتاعا سالدى. سونىمەن قاتار بالالار ءتاتتى تاعامنان اۋىز ءتيدى.
عالىم سۇلەيمەن,
الماتى
