سونداي-اق, بالالار ءۇيىنىڭ تاربيەلەنۋشىلەرىنە, جوعارى وقۋ ورىندارىنا وبلىس اكىمىنىڭ 100 ءبىلىم گرانتى بولىنەدى. وتكەن جىلى 95 جاس تەگىن ءبىلىم الۋ مۇمكىندىگىنە يە بولعان-دى. حالىقارالىق بالالاردى قورعاۋ كۇنىنە ارنالعان «ارقاشان كۇن سونبەسىن» اتتى ءىس-شارادا وبلىس اكىمى ج.تۇيمەباەۆ ەلباسى جاس ۇرپاقتىڭ ەرتەڭىنە ەرەكشە ءمان بەرىپ كەلە جاتقانىن اتاپ ءوتتى.
«مەملەكەت باسشىسى «ەلىمىزدە تۋىلعان ءاربىر بالانى مەملەكەت ءوز قامقورلىعىنا الۋعا ءتيىس» دەگەن بولاتىن. مىنە, وسى باعىتتا اتقارىلىپ جاتقان ءىس كوپ. سەندەردىڭ ەلىمىزدىڭ بەدەلدى ازاماتى بولاتىندارىڭا كامىل سەنەمىن», -دەدى وبلىس باسشىسى قۇتتىقتاۋ سوزىندە. وبلىس تۇرعىندارىنىڭ 1 ملن. 240 مىڭنان استامى 18 جاسقا دەيىنگىلەر. وكىنىشكە قاراي, جەتىم جانە اتا-اناسىنىڭ قامقورلىعىنسىز قالعان بالالار سانى -2648, ونىڭ 2068-ءى قورعانشىلىق جانە قامقورشىلىققا, 184-ءى پاتروناتتىق تاربيەگە وتكەن. ال 349-ى بالالار ۇيلەرىندە تاربيەلەنۋدە.
مەرەكەلىك جيىندا بالالار ءۇيىنىڭ تاربيلەنۋشىلەرىنە سىي-سياپات جاسالدى. سونداي-اق, وبلىس اكىمى ءتۇرلى بايقاۋلاردا توپ جارعان, بالالار ءۇيىنىڭ ونەرلى 10 وقۋشىسىن «العىس حاتپەن» ماراپاتتادى. ودان بولەك, جيىنعا قاتىسقان بارلىق بالالارعا ءتۇرلى ويىنشىقتار ۇلەستىرىلدى. ال 50 بالا كينوتەاترلاردىڭ, استانا قالاسىنا جاسالاتىن 3 كۇندىك ەكسكۋرسيانىڭ بيلەتىنە يە بولدى. سالتاناتتى ءراسىم بالالارعا ارنالعان مەرەكەلىك داستارحان مەن كونتسەرتتىك باعدارلاماعا ۇلاستى. سونىمەن قاتار, بالالار جايلاۋكول دەمالىس ايماعىنداعى اتتراكتسيونداردا كوڭىل كوتەرىپ, اسفالتتە سۋرەت سالۋ بايقاۋىنا قاتىستى.
ەركىن دوسىمباي,
سۋرەتتەردى تۇسىرگەن سامات مىرزاليەۆ,
وڭتۇستىك قازاقستان وبلىسى.
