مۋزىكالىق وركەسترلەر شەرۋى د.نۇرپەيىسوۆا اتىنداعى اكادەميادان باستالىپ, يساتاي-ماحامبەت اتىنداعى ورتالىق الاڭدا اياقتالدى. بۇل جەردە شارا قوناقتارىنا بالالار مەن جاستار شىعارماشىلىق ۇجىمدارىنىڭ تەاترلاندىرىلعان قويىلىمدارى كورسەتىلدى.
اۋقىمدى مادەني شاراعا 4 مىڭعا جۋىق ادام قاتىستى – بۇل بارابانشىلاردان, شىعارماشىلىق انسامبلدەردەن, چارليديرلەر, مۋزىكالىق جانە بي ۇجىمدارىنان قۇرالعان 43 توپ.
اتىراۋ وبلىسى اكىمىنىڭ ورىنباسارى نۇرساۋلە سايلاۋوۆانىڭ ايتۋىنشا, مۋزىكالىق وركەسترلەر شەرۋى استانانىڭ 20 جىلدىق مەرەيتويىنا وراي ءوتتى جانە بۇل داستۇرگە اينالادى.
- بۇگىندە بالالار, وقۋشىلار مەن ستۋدەنتتەر ءۇشىن جارقىن بولاشاقتىڭ ەسىگى ايقارا اشىق. مەملەكەت جاس ۇرپاقتى كەشەندى دامىتۋ ءۇشىن كوپتەگەن مۇمكىندىكتەر بەرۋدە - بالاباقشالار, مەكتەپتەر سالۋدا, جاڭا بەدەلدى ءبىلىم بەرۋ مەكەمەلەرى اشىلۋدا. ۇزدىك ستۋدەنتتەر شەت ەلدەردە وقۋ جانە تاجىريبەدەن ءوتۋ مۇمكىندىگىنە يە, ەلىمىزدىڭ جوعارى وقۋ ورىندارىندا تەگىن ءبىلىم الۋعا گرانتتار بولىنەدى. ءبىز قازاقستانىمىزدىڭ بولاشاعى جارقىن بولارىنا سەنىمدىمىز,- دەيدى شارا قاتىسۋشىلارىنا نۇرساۋلە سايلاۋوۆا.
ايتا كەتەيىك, 2017-2018 وقۋ جىلىندا اتىراۋ وبلىسىندا 5183 تۇلەك مەكتەپ ءبىتىردى. ولاردىڭ ىشىندە 153 - ءى «التىن بەلگىگە» ۇمىتكەر, 91 – ءى ۇزدىك اتتەستات الۋدان ءۇمىتتى.
