«جارتى جىل بۇرىن ەلىمىزدە «بالانىڭ تۋى» قىزمەتىنىڭ بەلسەندى فورماتتا ىسكە قوسىلعانىنىڭ ارقاسىندا بالانىڭ تۋىن تىركەۋ, جسن مەن كۋالىگىن الۋ, ايىپپۇلدى راسىمدەۋ جانە بالاباقشا كەزەگىنە قويۋ پەرزەنتحانادا جاتقان نارەستەنىڭ اناسىنا تەلەفوننان SMS-حابارلامانى جىبەرۋ ارقىلى قولجەتىمدى بولدى. وسى قىزمەتتىڭ ىسكە قوسىلعانىنان كەيىن, ونىمەن حقكو-نا بارماي نەمەسە eGov.kz پورتالىنا كىرمەي بارلىق قازاقستان بويىنشا 65 374 انا پايدالاندى,- دەلىنگەن حابارلامادا.
«ۇلتتىق اقپاراتتىق تەحنولوگيالار» اكتسيونەرلىك قوعامىمەن وتكىزىلگەن اقپاراتتىق جۇيەلەردى يتەگراتسيالاۋ ارقاسىندا بالالاردىڭ تۋىن تىركەۋ جونىندەگى وتىنىشتەر اۆتوماتتى تۇردە قابىلدانادى. بۇگىن بەلسەندى قىزمەتتى الۋ ءۇشىن eGov.kz پورتالىنداعى جەكە كابينەتكە ءوز موبيلدىك تەلەفون ءنومىرىڭىزدى جسن-گە بەكىتۋ جەتكىلىكتى, قالعان ارەكەتتەردى جۇيەنىڭ ءوزى جۇزەگە اسىرادى. وسى قىزمەتتىڭ ىسكە قوسىلعانىنان كەيىن, ونىمەن 121 230 انا بالا تۋى جونىندە قۇتتىقتاۋ SMS-حابارلاماسىن قابىلدادى. SMS ارقىلى جەكە دەرەكتەردى جىبەرگەننەن كەيىن حقكو-دان دايىن كۋالىكتى الۋعا نەمەسە ونى ۇيگە جىبەرۋگە تاپسىرىس بەرۋگە بولادى», - دەپ ءتۇسىندىردى «ۇلتتىق اقپاراتتىق تەحنولوگيالار» اق باسقارما توراعاسى اسەت تۇرىسوۆ.
نارەستە تۋىلعان ساتتەن كەيىن پەرزەنتحانادا قازاقستان رەسپۋبليكاسى دەنساۋلىق ساقتاۋ مينيسترلىگىنىڭ ەلەكتروندىق بازاسىنا تۋ تۋرالى فاكت ەنگىزىلەدى. بۇدان كەيىن, eGov.kz جەكە كابينەتىندە موبيلدىك تەلەفون ءنومىرى جسن-نە بەكىتىلگەن اتا-اناعا اۆتوماتتى تۇردە قۇتتىقتاۋ SMS-حابارلاماسى جىبەرىلەدى جانە بالانىڭ تۋىلۋىن تىركەۋ جونىندەگى مەملەكەتتىك كورسەتىلەتىن قىزمەتىن الۋ ۇسىنىلادى.
اتا-انا SMS-حابارلاماسىنا جاۋاپ رەتىندە بالانىڭ تولىق اتى-ءجونىن جىبەرەدى جانە دايىن تۋ تۋرالى كۋاىلىكتى قاي جەردەن الا الاتىنى تۋرالى مەكەنجاي كورسەتىلگەن حابارلاما الادى. سونداي-اق, SMS ارقىلى شوت ءنومىرىن سۇرايدى جانە ءبىر ۋاقىتتا جاردەماقى تاعايىنداۋ ءۇشىن ءوتىنىش اۆتوماتتى تۇردە راسىمدەلەدى. سوڭىندا, SMS-جاۋاپتار جىبەرۋ كەزىندە بالانى بالاباقشا كەزەگىنە راسىمدەلۋ بولىپ تابىلادى. 2017 جىلعى 29 جەلتوقساننان باستاپ 2018 جىلعى 31 مامىر ارالىعىندا بەلسەندى تاسىلىمەن بالانىڭ تۋىلۋىن تىركەۋگە 36 826 ءوتىنىش, جاردەماقى تاعايىنداۋعا 8 208 ءوتىنىم, بالانى بالاباقشا كەزەگىنە قويۋعا 11 809 ءوتىنىم جىبەرىلگەن.
