بۇقارالىق اقپارات قۇرالدارى (بۇدان ءارى – باق) وكىلدەرى, بلوگەرلەر ءۇشىن سىبايلاس جەمقورلىققا قارسى تاقىرىبىنداعى ۇزدىك جۋرناليستىك جۇمىستارعا بايقاۋ (بۇدان ءارى – بايقاۋ) قوعامدا سىبايلاس جەمقورلىققا قارسى مادەنيەتتى قالىپتاستىرۋ, سىبايلاس جەمقورلىققا توزبەۋشىلىكتى كورسەتەتىن قۇندىلىقتار جۇيەسىن ساقتاۋ جانە نىعايتۋ ماقساتىندا وتكىزىلەدى.
جەڭىمپازداردى ايقىنداۋ بايقاۋ كوميسسياسىنىڭ شەشىمىمەن جۇزەگە اسىرىلادى. كوميسسيانىڭ قۇرامىنا قازاقستان رەسپۋبليكاسىنىڭ مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ (ارى قاراي – اگەنتتىك), باسقا دا مەملەكەتتىك ورگانداردىڭ جانە ۇكىمەتتىك ەمەس ۇيىمداردىڭ وكىلدەرى كىرەدى.
بايقاۋعا قاتىسۋعا رەسپۋبليكالىق جانە جەرگىلىكتى دەڭگەيدەگى بارلىق باق جۋرناليستەرى, بلوگەرلەر شاقىرىلادى.
بايقاۋعا قاتىسۋعا سىبايلاس جەمقورلىققا قارسى مادەنيەتتى قالىپتاستىرۋعا, قوعامدا سىبايلاس جەمقورلىققا توزبەۋشىلىكتى كورسەتەتىن قۇندىلىقتار جۇيەسىن ساقتاۋعا جانە نىعايتۋعا باعىتتالعان ماتەريالدار (باعدارلامالار, دەرەكتى فيلمدەر, ستۋديالىق جازبالار, ماقالالار, سۇحباتتار, پوستتار) قابىلدانادى.
2018 جىلعى 1 قاڭتاردان 10 ماۋسىمعا دەيىن جاريالانعان نەمەسە ەفيرگە شىققان ماتەريالدار, سونداي-اق جاريالانىمدار مەن باعدارلامالار تسيكلدەرى قابىلدانادى.
بايقاۋعا ۇسىنىلاتىن جۇمىستاردىڭ سانى شەكتەلمەيدى.
بايقاۋ تاقىرىبىنا سايكەس ەمەس جانە تالاپتارعا ساي كەلمەيتىن ماتەريالدار, ۇسىنۋ مەرزىمى اياقتالعاننان كەيىن كەلىپ تۇسكەن جۇمىستار بايقاۋعا جىبەرىلمەيدى. بايقاۋعا ۇسىنىلعان ماتەريالدار قايتارىلىپ بەرىلمەيدى.
جاريالانىمدار تۇپنۇسقا نەمەسە ماتەريالداردىڭ كسەروكوشىرمەسى تۇرىندە (باسىلىمنىڭ اتاۋى, كۇنى جانە اۆتورمەن بايلانىس جاساۋ مالىمەتتەرى تولىق كورسەتىلە وتىرىپ) ۇسىنىلۋى ءتيىس.
دىبىستىق-ۆيزۋالدى جۇمىستار ەفيرلىك انىقتامامەن بىرگە تەلەۆيزيالىق باعدارلامانىڭ كوشىرمەسى تۇرىندە (cd/dvd ديسكىلەرىندە, flash-تاسىمالداۋشىلارىندا جانە سىلتەمەلەرىندە) ۇسىنىلۋى ءتيىس.
اقپاراتتىق اگەنتتىكتەردىڭ جۋرناليستەرى جاريالانعان ماتەريالداردىڭ كوشىرمەسىن ينتەرنەت-سايتتا ورنالاستىرىلعانىن راستاپ جولداۋى قاجەت.
ماتەريالدار مەملەكەتتىك نەمەسە ورىس تىلدەرىندە قابىلدانادى. بايقاۋعا ماتەريالداردى قابىلداۋدىڭ سوڭعى كۇنى – وسى جىلدىڭ 10 ماۋسىمى.
ۇسىنىلاتىن ماتەريالدارعا مىنالار قوسا بەرىلەدى: جۋرناليست تۋرالى قىسقاشا ومىرباياندىق اقپارات, 3ح4 مولشەرىندەگى فوتوسۋرەتى, اقپاراتتىق ماتەريالدار ءتىزىمى.
بايقاۋ ماتەريالدارى اگەنتتىكتىڭ مەكەنجايىنا 2018 جىلعى 10 ماۋسىمعا دەيىن كەلىپ تۇسەدى.
بايقاۋ ماتەريالدارىن قاراۋدى ماتەريالداردى قابىلداۋ اياقتالعاننان كەيىن بايقاۋ كوميسسياسى جۇزەگە اسىرادى.
بايقاۋ كوميسسيا ۇسىنىلعان ماتەريالداردى كەلەسى شارتتار بويىنشا قارايدى:
- كورسەتىلگەن تاقىرىپقا سايكەستىگى;
- ماسەلەنى تالداۋدىڭ تەرەڭدىگى جانە ونىڭ سىبايلاس جەمقورلىققا قارسى مادەنيەتتى قالىپتاستىرۋعا اسەرى;
- مازمۇنداۋ ءستيلى;
- اۆتورلىق تۇجىرىمدامانىڭ دەربەستىگى.
جەڭىمپازداردى جاريالاۋ كەلەسى نوميناتسيالار بويىنشا ءبىرىنشى, ەكىنشى, ءۇشىنشى ورىن العان ۇزدىك جۇمىستاردى انىقتايتىن بايقاۋدى جالپى قورىتىندىلاۋ اياسىندا ىسكە اسىرىلادى:
ۇزدىك تەلەۆيزيالىق جۇمىس;
ۇزدىك باسپا جاريالانىمى;
ۇزدىك ينتەرنەت جاريالانىمى.
بايلانىس اقپاراتى
010000, استانا قالاسى, قازاقستان رەسپۋبليكاسىنىڭ مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى, سەيفۋللين كوشەسى, 37, 5-قابات, 513 كابينەت, تەل. +7 (7172) 909-017, ۇيالى: +7 701 0000 664, ەل.پوشتا: n.omarova@kyzmet.gov.kz, nikiraomarova@gmail.com
