شارادا وبلىس اكىمى ق. كوشەرباەۆ ەل تاريحىندا ميلليونداعان قازاقتاردىڭ ءومىرىن قيعان بىرقاتار قايعىلى وقيعالار ورىن العانىن اتاپ ءوتتى. ولاردىڭ ءبىرى – 30-شى جىلدارىنداعى ساياسي قۋعىن-سۇرگىن مەن اشارشىلىق.
ء«بىر عانا قىزىلوردا وبلىسىندا بارلىعى 81 باي, 10 920 ءىرى قارا, 47 299 ۇساق مال تاركىلەنىپتى. مۇراعات قورىنداعى وبلىستىق پروكۋراتۋرانىڭ 1937-1938 جىلدارداعى قۇپياسىزداندىرىلعان قۇجاتتارداعى دەرەكتەرى بويىنشا نكۆد ۇشتىك سوتىمەن 1937-1938 جىلدارى حالىق جاۋى دەگەن جالامەن 314 ادام, ونىڭ 110-ى پارتيا قاتارىنان سوتتالىپ جازالانعان ەكەن. تاريحشىلاردىڭ باعالاۋىنشا, وداق بويىنشا 1927-1953 جىلدارى 60 ميلليون ادام, ونىڭ ىشىندە قازاقستان بويىنشا 103 مىڭ ادام قۋعىن-سۇرگىنگە ۇشىراعان. ولاردىڭ 25 مىڭى اتىلدى», - دەدى ايماق باسشىسى.
ميتينگتە قۇربانداردى ەسكە الۋ ماقساتىمەن ءبىر مينۋتتىق ۇنسىزدىك جاريالانىپ, ەسكەرتكىشكە گۇل شوقتارى قويىلدى.
سونداي-اق, كەشكە ن.بەكەجانوۆ اتىنداعى وبلىستىق قازاق مۋزىكالىق-دراما تەاترىندا دراماتۋرگ, قازاقستاننىڭ ەڭبەك سىڭىرگەن قايراتكەرى, حالىقارالىق ش.ايتماتوۆ اكادەمياسىنىڭ اكادەميگى راحىمجان وتارباەۆتىڭ «ناركوم جۇرگەنوۆ» سپەكتاكلىنىڭ قويىلىمى وتەدى. سپەكتاكل «تەمىر ناركومنىڭ» ءومىرى قازاق حالقىنىڭ اعارتۋ ىسىنە باعىتتالعان ەڭبەگى تۋرالى باياندايدى.
