«الەمدەگى ۇزدىك كلۋبتاردىڭ ءبىرىن جاتتىقتىراتىنىما قۋانىشتىمىن. «ارسەنال» ءوزىنىڭ ءستيلى, جاستارعا باسا كوڭىل بولەتىنى, فانتاستيكالىق ستاديونى ارقىلى بۇكىل الەمگە تانىمال», دەدى ۋناي ەمەري.
وسىعان دەيىن ۋناي ەمەريدىڭ ءۇش جىلعا كەلىسىمشارتقا وتىرعانى, جىلدىق جالاقىسى 5 ملن ەۋرونى قۇرايتىنى حابارلانعان.
يسپانيالىق مامان بۇگىنگە دەيىن فرانتسيانىڭ «پاري سەن جەرمەن» كومانداسىنا جەتەكشىلىك ەتىپ كەلگەن. ال وعان دەيىن يسپانيانىڭ «سەۆيلياسىن» ءۇش جىل جاتتىقتىرىپ, ءۇش مارتە ەۋروپا ليگاسىندا جەڭىسكە جەتكەن
ايتا كەتەيىك, «ارسەنالدى» 22 جىل جاتتىقتىرعان ارسەن ۆەنگەر وتكەن ايدا كوماندادان كەتەتىنىن مالىمدەگەن بولاتىن.
