سونىڭ اياسىندا ستۋدەنتتەر مەن جاس عالىمداردىڭ عىلىمي-پراكتيكالىق «فارابي الەمى» كونفەرەنتسياسى جالعاسىن تاپتى. كونفەرەنتسياعا 6000-نان اسا وتاندىق جانە شەتەلدىك زەرتتەۋشىلەر قاتىستى. قاتىسۋشىلاردىڭ اراسىندا اقش, گەرمانيا, تۇركيا, ءۇندىستان, جاپونيا جانە تمد ەلدەرىنىڭ 180-نەن استام وكىلى بولدى. كونفەرەنتسيا جۇمىسى بارىسىندا ءارتۇرلى شەبەرلىك ساعاتتارى, دوڭگەلەك ۇستەلدەر وتكىزىلدى جانە باياندامالار تىڭدالدى. كونفەرەنتسيا اياسىندا فاكۋلتەتتەردە 100-دەن اسا سەكتسيا جۇمىس ىستەدى.
ءوز كەزەگىندە ءال-فارابي اتىنداعى قازاق ۇلتتىق ۋنيۆەرسيتەتىنىڭ حالىقارالىق قاتىناستار فاكۋلتەتىنىڭ ديپلوماتيالىق اۋدارما كافەدراسى «اۋدارما جانە مادەنيارالىق قارىم-قاتىناستاردىڭ وزەكتى ماسەلەلەرى» جانە «قازىرگى الەمدەگى ءتىل جانە مادەنيەت بۇۇ تىلدەرى» سەكتسيالارى بويىنشا جۇمىس جاسادى. كونفەرەنتسياعا قازۇۋ, سۇلەيمەن دەميرەل ۋنيۆەرسيتەتى جانە ءى.جانسۇگىروۆ اتىنداعى جەتىسۋ مەملەكەتتىك ۋنيۆەرسيتەتىنىڭ ستۋدەنتتەرى قاتىسىپ باياندامالار جاسادى.
مەملەكەت باسشىسى نۇرسۇلتان نازارباەۆ «بولاشاققا باعدار: رۋحاني جاڭعىرۋ» اتتى باعدارلاماسىندا قوعامدىق جانە گۋمانيتارلىق عىلىمدار بويىنشا «جاڭا گۋمانيتارلىق ءبىلىم. قازاق تىلىندەگى 100 جاڭا وقۋلىق» جوباسى تۋرالى ء«بىز الداعى بىرنەشە جىلدا گۋمانيتارلىق ءبىلىمنىڭ بارلىق باعىتتارى بويىنشا الەمدەگى ەڭ جاقسى 100 وقۋلىقتى ءارتۇرلى تىلدەردەن قازاق تىلىنە اۋدارىپ, جاستارعا دۇنيە جۇزىندەگى تاڭداۋلى ۇلگىلەردىڭ نەگىزىندە ءبىلىم الۋعا مۇمكىندىك جاسايمىز» دەگەن بولاتىن. وسى ورايدا ۋنيۆەرسيتەتتە وتكەن كونفەرەنتسيا بارىسىندا اۋدارما ماسەلەلەرىنە جانە شەت ءتىلىن وقىتۋدا قولدانىلاتىن جاڭا ءادىس-تاسىلدەرگە ايرىقشا نازار اۋدارىلدى. كونفەرەنتسيانى قورىتىندىلاي كەلە, ۇزدىك دەگەن باياندامالارعا جۇلدەلى ورىن ديپلومدارى, ال قاتىسۋشىلارعا ارنايى سەرتيفيكاتتار تاپسىرىلدى. 1-ورىندى س.دەميرەل ۋنيۆەرسيتەتىنىڭ 3-كۋرس ستۋدەنتى مەرۋەرت مۋكتاشەۆا (جەتەكشىسى PhD, دوتسەنت التىنشاش قۇرمانالى), 2-ورىندى قازۇۋ-ءدىڭ 2-كۋرس ستۋدەنتى تاتيانا كۋاگليو (جەتەكشىسى راۋشان ماتكەريموۆا) جانە جەتىسۋ مەملەكەتتىك ۋنيۆەرسيتەتىنىڭ 3-كۋرس ستۋدەنتى انيا يديگوۆا (جەتەكشىسى فيلولوگيا عىلىمدارىنىڭ كانديداتى, پروفەسسور س.ماشانوۆا), 3-ورىندى قازۇۋ-ءدىڭ 1-كۋرس ماگيسترانتى ايىمگۇل ماجەنوۆا (جەتەكشىسى فيلولوگيا عىلىمدارىنىڭ كانديداتى, دوتسەنت ا.باقىتوۆ) يەلەندى. اتالعان كونفەرەنتسيا ستۋدەنتتەر مەن جاس عالىمدار ءۇشىن وتە پايدالى بولدى. بولاشاقتا بۇل ءداستۇردىڭ جالعاسىن تاباتىنىنا سەنىمدىمىز.
الماش سەيديكەنوۆا,
فيلولوگيا عىلىمدارىنىڭ كانديداتى,
دوتسەنت ديپلوماتيالىق اۋدارما كافەدراسىنىڭ مەڭگەرۋشىسى,
الما مۇرتازا,
اعا وقىتۋشى
