اقمولا وبلىسىندا دا تۇندە سولتۇستىكتەن, سوتۇستىك-باتىستان كۇشتى جەل سوعادى, كوپتەگەن اۋدانداردا جەلدىڭ جىلدامدىعى سەكۋندىنا 15-20 مەترگە, ەكپىنى 23-28 م/س-قا جەتەدى. ال كۇندىز جەلدىڭ جىلدامدىعى 15-20 م/س اينالاسىندا بولادى.
داۋىلدىڭ سوعۋ ىقتيمالدىلىعى - 90-95%.
ەسكە سالا كەتەيىك, بۇگىن استانادا داۋىل سوعىپ, بىرنەشە ادام زارداپ شەككەن بولاتىن.
تابيعاتتىڭ توسىن مىنەزى سالدارىنان استانا اۋەجايىندا «ەير استانا» اۋەكومپانياسىنىڭ ىشىندە 106 ادامى بار شىمكەنت - استانا باعىتىنداعى ۇشاعى ۇشىپ-قونۋ جولاعىنان شىعىپ كەتتى.
تۇركىستان كوشەسىندەگى قۇرىلىس الاڭىندا كران قۇلادى, بەيبىتشىلىك جانە كەلىسىم سارايى عيماراتى شىنىلارى سىندى, ارناساي كوشەسىندەگى 127-تۇرعىن ءۇيدىڭ, № 24 ورتا مەكتەپتىڭ, ۇركەر شاعىن اۋدانىنداعى №91 بالاباقشا شاتىرى كوككە ۇشتى.
سونداي-اق داۋىل سالدارىنان «دۋمان» قوناق ءۇيىنىڭ حولىنداعى ۆيتراجدى تەرەزەلەر شاعىلدى. تۇرعىن ۇيلەر مەن عيماراتتاردىڭ سىرتقى قاپتامالارى, سونىڭ ىشىندە كىرپىشتەر كوككە ۇشتى. جول جيەگىندەگى بەتوندى دىڭگەكتەر قۇلادى. قالانىڭ ءار اۋدانىنداعى تۇراقتاردا كوپتەگەن اۆتوكولىككە زاقىم كەلدى.
