كەشكە مۋزىكا ونەرىن باعالاۋشىلار ءۇشىن ناعىز توسىن سىي جاسالادى. «استانادان اق تىلەك» كونتسەرتى وبلىستىق حالىق شىعارماشىلىعى ورتالىعىندا (بۇرىنعى جاستار مادەنيەت سارايى) ۇيىمداستىرىلادى. ساحنادا استانا قالاسىنىڭ مەملەكەتتىك اكادەميالىق فيلارمونياسىنىڭ ۇجىمدارى ونەر كورسەتەدى. اتاپ ايتقاندا, «سارىارقا» حالىق مۋزىكاسى, ەسترادالىق بي, «شالقىما» بي انسامبلدەرى, سونداي-اق كلاسسيكالىق جانە ەسترادالىق ۆوكال سوليستتەرى. كونتسەرت ساعات 19.00-دە باستالادى.
كەلەسى كۇنى وبلىستىق حالىق شىعارماشىلىعى ورتالىعىندا (بۇرىنعى جاستار مادەنيەت سارايى) وتەتىن «ەلوردادان ەلگە سالەم» كونتسەرتىنە ەلوردالىق فيلارمونيا ۇجىمدارى قاتىسادى. ساحنا تورىندە قازاق وركەسترى, «شالقىما» حالىق بي ءانسامبلى, حالىق ءان ءبولىمى جانە كلاسسيكالىق جانە ەسترادالىق ۆوكال ءبولىمى ءوز ونەرىن ورتاعا سالادى.
24 مامىر كۇنى ساعات 19.00-دە وبلىستىق حالىق شىعارماشىلىعى ورتالىعىندا (بۇرىنعى جاستار مادەنيەت سارايى) «استانادان اق تىلەك» اتتى گالا كونتسەرتكە ەلوردالىق فيلارمونيا ۇجىمدارى قاتىسادى. ساحنا تورىندە رينات مالتساگوۆ, كلارا تولەنباەۆا سىندى ەسترادا جۇلدىزدارى, «ارت-دومبىرا» تريوسى ءوز ونەرىن ورتاعا سالادى.
ەكى كۇن بويى شايماردان ساريەۆ اتىنداعى كوركەمسۋرەت جانە قولدانبالى-ساندىك ونەر مۋزەيى تاڭعى ساعات 10.00-دەن كەشكى 20.00-گە دەيىن بەينەلەۋ ونەرىنىڭ «اق تىلەكپەن, استانا» كورمەسى جۇمىس ىستەيدى. كورمەنىڭ سالتاناتتى اشىلۋى 15.00-دە باستالادى. ەكسپوزيتسياعا وتاندىق سۋرەتشىلەردىڭ 100-دەن اسا تۋىندىسى شىعارىلادى. ونىڭ ىشىندە س.سماعۇلوۆ, م.بەكەەۆ, ر.قۇلباتىروۆ, س.اللابەرگەنوۆ, ن.قارجاسوۆ جانە باسقالارى بار. مۇنىمەن قوسا, كورمەدە جاننا سپۋنەردىڭ جەكە كوللەكتسياسىنان الىنعان ەڭبەكتەردى, استانالىق شەبەرلەردىڭ مۇسىندەرى مەن كارتينالارىن كورۋگە بولادى. ەلوردالىق كورمەنى تاماشالاۋعا كەلگەن قوناقتار وتاندىق قىلقالام شەبەرلەرىنىڭ شىعارماشىلىق الەۋەتىنە, ولاردىڭ دارالىعى مەن كەنەپتە كورىنىس تاپقان قورشاعان ورتانى بەينەلەۋ ونەرلەرىنە ءوز باعاسىن بەرەدى.
سونىمەن قاتار, كورمەدە اۆتورى ومىربەك تىلەۋليەۆ بولىپ تابىلاتىن «ەلىم-اي» سەرياسى كوپشىلىك نازارىنا ۇسىنىلىپ وتىر. ونىڭ ەڭبەكتەرىنەن قازاق حالقىنىڭ وتكەنىمەن تانىسۋعا بولادى.
