ويتكەنى تمد ەلدەرىنىڭ مادەني استاناسى شىمكەنت بولىپ بەلگىلەنگەن 2020 جىل وڭتۇستىك ءوڭىرى ءۇشىن ءارى جاۋاپتى, ءارى ماڭىزدى. وسى جانە باسقا دا جايتتەر ەسكەرىلە, قالانىڭ باس جوسپارىنا ساي «باتىس ەۋروپا -باتىس قىتاي» حالىقارالىق كولىك ءدالىزىنىڭ بويىندا تاۋلىگىنە 20 مىڭ جولاۋشى وتكىزەتىن «شىمكەنت-2» جاڭا تەمىرجول ۆوكزالى سالىنباق.
سونىمەن بىرگە جۇكتى سۇرىپتاۋ ستانتسياسى جانە ۇلكەن اۆتوۆوكزال سالىنادى دەپ جوسپارلانۋدا. جالپى الاڭى 16 گەكتاردى قۇرايتىن جوبادا قوناق ءۇي مەن اكىمشىلىك عيمارات, 1000 اۆتوكولىككە ارنالعان تۇراق قاراستىرىلعان. «بايلانىس جولدارىن دامىتۋ عىلىمي-زەرتتەۋ ينستيتۋتى» جشس-ءنىڭ ديرەكتورى ا.ورازبەكوۆ زاماناۋي ۇلگىدە بوي كوتەرەتىن قالاداعى ەكىنشى تەمىرجول جەلىسىنىڭ تەحنيكالىق قۇرىلىسى سيپاتىن وڭتۇستىك قازاقستان وبلىسىنىڭ اكىمى جانسەيىت تۇيمەباەۆقا تانىستىردى. جوبادا جوعارى تەحنولوگيالىق تسيفرلىق ينفراقۇرىلىمدى ەنگىزۋ كوزدەلگەن.
وبلىس اكىمى جوبانىڭ الەۋمەتتىك ماڭىزى بار ەكەنىن جانە جولاۋشىلارعا قىزمەت كورسەتۋدى جاقسارتۋعا جانە تۋريستەردى ايماققا تارتۋعا مۇمكىندىك بەرەتىنىن ايتا كەلە, ءتيىستى ۆەدومستۆو باسشىلارىنا جۇمىس توبىن قۇرۋدى تاپسىردى. قازىرگى تاڭدا جوبا رەسپۋبليكالىق مەملەكەتتىك-جەكەشەلىك ارىپتەستىك جوبالارىن جوسپارلاۋ الگوريتمىنە سايكەس قازاقستان رەسپۋبليكاسىنىڭ ۋاكىلەتتى مەملەكەتتىك ورگاندارىمەن جۇمىس ۇيلەستىرۋ ساتىسىندا تۇر.
ەركىن دوسىمباي,
وڭتۇستىك قازاقستان وبلىسى
