ولاردىڭ ىشىندە اتاپ ايتساق, «اقشىڭ» ساۋدا ورتالىعىنىڭ اتقارۋشى ديرەكتورى ەرلان جاقىپوۆ, ارتيللەريالىق ديۆيزيانىڭ اسكەري قىزمەتشىسى ەرمەك تەڭىزباەۆ, №42 ورتا مەكتەپتىڭ مۇعالىمى امان قونىسبەكوۆ, ر. بايسەيىتوۆ اتىنداعى قارجى-ەكونوميكالىق كوللەدجىنىڭ ۇستازى سامات كارىپجانوۆ, «نۇرداۋلەت» بالالار باقشاسىنىڭ تاربيەشىسى ەرنۇر اقپاروۆ, سەمەيدەگى وبلىستىق تاريحي-ولكەتانۋ مۋزەيىنىڭ ەكسكۋرسوۆود جەتەكشىسى ميراس قۇسايىنوۆ, شاقامان اۋىلدىق وكگرۋگىنىڭ باس مامانى دانيار ايدارباەۆ, ابايدىڭ مەملەكەتتىك قورىق مۋزەيىنىڭ عىلىمي قىزمەتكەرى مەيىرجان نۇرلانوۆتار بار.
-ءبىز مىنە, بايقاپ وتىرساڭىزدار, سايىسقا ءتۇرلى ماماندىقتا مىقتى قىزمەت ىستەپ جۇرگەن سايدىڭ تاسىنداي ءور جىگىتتەرىمىزدى شاقىرىپ وتىرمىز,-دەدى سەمەي قالالىق مادەنيەت جانە تىلدەردى دامىتۋ ءبولىمىنىڭ باسشىسى نازەركە اققوجينا,-الاشتىڭ ءىزباسارلارى تەك وزدەرىنىڭ عانا ماماندىقتارى ەمەس, باسقا دا تالانتتارى بار ەكەندىكتەرىن حالىق الدىندا كورسەتە ءبىلىپ, كەلەر ۇرپاققا ۇلگى-ونەگە بولسىن دەگەن ماقساتتى ۇستانىپ وتىرمىز.
سەمەيلىك نار جىگىتتەر سونىمەن ولەڭمەن ءوزىن تانىستىرۋدان سىنعا ءتۇستى. سول كەزدەن باستاپ ەرلان جاقىپوۆ الدىعا وزا شاباتىندىعىن بىردەن كورسەتتى. كەڭ دالا داۋىسى, ساحنادا ءوزىن ءوزى ۇستاۋ مادەنيەتى ەرەكشەلەنىپ, وزىمەن بىرگە سايىسقا قاتىسىپ وتىرعانداردان بىردەن العا شىقتى. جەتى قازىنانىڭ بىرىنە جاتاتىن ەر قارۋىن قولدانۋدا دا تاعى دا ەرلان جاقىپوۆتى اتاپ وتپەسكە بولمايدى ەكەن, دەستى ءبىراۋىزدان ادىلقازىلار القاسى. ەڭ مەرگەن رەتىندە تانىلعان ەرلان جاقىپوۆ بىردەن 44 ۇپاي جينادى. ودان كەيىن 41 ۇپايدى مەيىرجان نۇرلانوۆ, 38 ۇپايدى سامات كاريبجانوۆ ەنشىلەدى.
ۇلتتىق كيىم كيىپ شىققان كەزدە دە سايىسقا قاتىسۋشىلاردىڭ تالعامى كەڭىنەن باعالاندى. گير تاسىن كوتەرۋ, ءان سالىپ, ۇلتتىق ناقىشتا بي بيلەۋ, سالت-داستۇرلەردى, تاريحتى جاتقا ايتىپ بەرىپ, تۇسىندىرۋدەن «الاشتىڭ نار جىگىتى» باس بايگەسىن ەرلان جاقىپوۆ يەلەنىپ, بەلىنە جەڭىستىڭ بەلبەۋىن تاقتى.. ەرلان جاقىپوۆپەن بىرگە قۋانىپ, قۇتتىقتاعان الاش ەلى ونىڭ بولاشاعىنا تاعى دا زور جەتىستىكتەرگە, تابىستارعا جەتە بەرۋىن تىلەدى.
راۋشان نۇعمانبەكوۆا
سەمەي
